OT Text: Bible translation: Falam Chin © Bible Society of Myanmar OT Audio: Recording of the New Testament ℗ Hosanna, 2018 NT Text: © United Bible Societies, 2005 NT Audio: ℗ 2013 Hosanna

Chin, Falam - 2005 MYA (Bible) Drama

<div class="version vid389 iso6393cfm" data-vid="389" data-iso6393="cfm">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Tili Kap Ih Mina Damternak</div><div class="p"> 1Cuih hnuah Jesuh cu Jerusalem ah Judah biaknak puai pakhat a um ih a feh. 2Jerusalem khua ahcun Tuu Kotka an timi kiangah tili pakhat a um ih a kapah deu suanmi panga a um. Cuih tili cu Hebru &#7789;ong in Bethzatha#5.2 Bethzatha, timi hi &#8216;Bethesda,&#8217; tile &#8216;Bethsaida&#8217; tiih ngannak tla a um. tiah an ti. 3Cuih deusuan sungah cun mina tampi an it teptep. &#7788;henkhat cu mitcaw, &#7789;henkhat cu ke-awl le &#7789;henkhat cu a zengmi tla an si. 4(A caancaan ah Bawipa ih vancungmi a rung &#7789;um ih tidai kha a cangter &#7789;heu. Cutiih tidai a cang vete in tili sungih a dawp hmaisa bik kha an natnak ihsin an dam &#7789;heu. Curuangah mina pawl cun tidai caang ding kha an hngak.)#5.4 Hi 5:4 hi kutngan cabu &#7789;henkhat ahcun a um lo. 5Cutawkah mipa pakhat kum sawm thum le kum riat sung a nami a um. 6Cutawkih a ih ringring kha Jesuh in a hmu ih kum reipi a na zo ti tla a thei. Curuangah Jesuh in, &#8220;Dam na duh maw?&#8221; tiah a sut.</div><div class="p"> 7Cupa in, &#8220;Bawipa, tidai a caang tikah tili sungih i hnimtu ding zohman an um lo. Tili sungah ka vung &#7789;um ding ka ti laifangah midang in in rak khelh ringring &#7789;heu,&#8221; tiah a ti.</div><div class="p"> 8Jesuh in, &#8220;Tho awla na ihphah la in feh aw,&#8221; tiah a ti. 9Hmakhatteah cupa cu a dam; a ihphah cu a lak ih a feh.</div><div class="p">Cuih ni cu Sabbath ni a si. 10Curuangah Judah mi hotu pawl in damnak a ngahtu pa cu, &#8220;Tuih sun hi Sabbath ni a si ih na ihphah na fehpi hi kan Daan in a duh lo a si,&#8221; tiah an ti.</div><div class="p"> 11Anih in, &#8220;Keimah i damtertu pa in na ihphah la awla feh aw, i ti si!&#8221; tiah a ti.</div><div class="p"> 12Annih in, &#8220;Cutiih a lo titu cu zo so a si?&#8221; tiah an sut.</div><div class="p"> 13Asinain damnak a ngahtu pa cun Jesuh cu zo a si ti a thei lo, ziangahtile cutawkah miburpi an um ih an lakin Jesuh cu a rak feh zo.</div><div class="p"> 14Neh hnuah cupa cu Jesuh in Biakinn sungah a tong ih, &#8220;Zohhnik! Atu cu na dam zo; curuangah va sual nawn hlah. Culole na parah thil &#7789;ha lo sinsin a thleng ding,&#8221; tiah a ti.</div><div class="p"> 15Cule cupa cu a feh ih Judah mi hotu pawl hnenah, &#8220;I damtertu cu Jesuh a si,&#8221; tiah a va sim. 16Sabbath ni ih mi a damter ruangah cun Jesuh cu an ralsan ih harsatnak an pek. 17Jesuh in an hnenah, &#8220;Ka pa cu hna a &#7789;uan ringring ih kei khal hna ka &#7789;uan ve a &#7789;ul a si,&#8221; tiah a ti.</div><div class="p"> 18Cutiih a ti ruangah Judah mi hotu pawl cu an thin-ai a thok ih amah kha thah an tum sinsin; Sabbath a buar lawng si loin Pathian cu ka Pa a si, a ti ruangah Pathian tlukah a tuah aw tiah an ruat.</div><div class="s1">Fapa Ih Thuneihnak</div><div class="p"> 19Curuangah Jesuh in an hnenah, &#8220;Thungai in ka lo sim: Fapa cun amah tein zianghman a tuah thei lo. A Pa ih tuahmi a hmuhmi lawng kha a tuah a si. Pa in a tuahmi kha Fapa khal in a tuah ve. 20Ziangahtile Pa in a Fapa kha a duhdawt ih a tuahmi hmuahhmuah kha a hmuh &#7789;heh. Himi hnakin tuah ding a nasa sawn mi kha a hmuh hrih ding ih nan mang a bang ding. 21Pa in mithi a thawhter ih nunnak a pek vekin Fapa khal in a duhmi poh hnenah nunnak a pe ve a si. 22Pa in zo ih par hmanah thu&#7789;hennak a tuah lo. Fapa hnenah thu&#7789;hen theinak a pe zo. 23Curuangah Pa a upattu hmuahhmuah in Fapa khal an upat ve pei. Zokhal Fapa a upat lotu cun a thlahtu a Pa khal a upat ve lo a si.</div><div class="p"> 24Thungaite in ka lo sim: zokhal ka simmi a thei ih i thlahtu a zum ahcun kumkhua nunnak a nei. Thu&#7789;hennak a tong lo ding; cutiin thihnak ihsin nunnak ah a lut zo. 25Thungaite in ka lo sim: mithi in Pathian Fapa ih aw an thei ding; a theitu hmuahhmuah in nunnak an ngahnak caan a ra ding ih atu khalah a thleng rero zo. 26Pa amah rori cu nunnak ih hrihram a si; cuvek thotho in Fapa khal cu nunnak ih hramhri a siter zo. 27Cule Fapa cu Milai Fapa a si ruangah thu&#7789;hennak thu a pek. 28Hiti a si ruangah nan mangbang hlah uh; mithi hmuahhmuah in a aw an theih ih, 29an thlaan sung ihsin an suahnak tikcu a ra thleng ding: thil &#7789;ha a tuahtu pawl cu nung dingah an tho sal ding; cule thil &#7789;ha lo a tuahtu pawl cu hnon dingah an tho sal ve ding,&#8221; tiah a ti.</div><div class="s1">Jesuh Hrangih Thutheitu</div><div class="p"> 30Jesuh in, &#8220;Keimah ih thu in zianghman ka tuah thei lo. Thu&#7789;hennak ka tuah asile Pathian ih i simmi vekin ka tuah; curuangah ka thu&#7789;hennak cu a dik a si, ziangahtile ka duhmi tuah ka tum lo, i thlahtu ih duhmi lawng tuah ka tum a si.</div><div class="p"> 31Keimah in keimah ih thu lawng ka rel a si ahcun ka thusimmi cu a dik ngaingaimi a si, ti a theih lo ding. 32Sikhalsehla ka ai-ah keimah ih thu a simtu ding midang pakhat a um ih ka thu a simmi cu a dik a si, ti ka thei. 33Johan hnenah nan palai pawl nan thlah ih amah in thutak a rak sim hai. 34Hitiih ka ti tikah theihpitu minung ka neih a &#7789;ul ka tinak a si lo; rundamnak nan ngah theinak dingah ka simmi a si. 35Johan cu a alh ih a tleumi mei-inn vek a si; a tleunak sungah caan malte sung lawng nan lung a awi. 36Asinain ka ai-ah ka thuhla i theihpitu a um ih Johan ih thutheihpinak hnakin a tum sawn; cumicu Pa in i pekmi ka thil tuahmi pawl hi an si. Cuih ka thil tuahmi cun Pa in i thlah ti a langter. 37Cule i thlahtu ka Pa khal hi ka ai-ah ka thu i theihpitu a si. A aw nan thei dah lo, a hmuihmel khal nan hmu dah lo; 38cule a thu simmi khal nan thinlung sungah nan ret lo, ziangahtile a thlah mipa hi nan zum lo. 39Ca Thianghlim sung nan hawl; cutiih nan hawlnak cu hi Ca Thianghlim sungah hin kumkhua nunnak kan hmu ding, tiah nan ruah ruangah a si. Hi Ca Thianghlim cu keimah ih thu a simtu a si. 40Sikhalsehla nunnak ngah dingah ka hnenah nan ra duh cuang lo.</div><div class="p"> 41Minung hnen ihsin thang&#7789;hatnak ngah ding ka hawl lo. 42Sikhalsehla mi ziangvek nan si ti ka lo thei ih nan thinlung sungah Pathian duhdawtnak zianghman a um lo. 43Ka Pa ih hmin thawn ka ra na&#243;n in saang duh lo; asinain mi pakhat amah ih hmin lawng in a ra asile amah sawn cu nan rak pom ding. 44Pakhat le pakhat hnen ihsin porh le lomnak ngah nan duh zet, asinain amah lawng Pathian a si mi hnen ihsi cun thang&#7789;hatnak ngah nan tum lo; cuti a si ahcun ziangtinso kei cu in zum thei ding? 45Keimah hi Pathian ih hmaiah in mawhthluktu a si ding, tiah i ruat hlah uh. A parih ruahsannak nan neih bikmi Moses rori hi a lo mawhthluktu a si ding. 46Moses nan zum ngah ngaingai rak sisehla keimah khal hi in zum ve ding; ziangahtile Moses in ka thu a rak ngan a si. 47Sihmansehla amah ih nganmi nan zum lo a si ahcun, ka simmi hi ziangtinso nan zum thei ding?&#8221; tiah a ti.</div>
 </div>
 </div>
</div>

Falam Bible Revision © Bible Society of Myanmar, 2002.

Cuih hnuah Jesuh cu Jerusalem ah Judah biaknak puai pakhat a um ih a feh. Jerusalem khua ahcun Tuu Kotka an timi kiangah tili pakhat a um ih a kapah deu suanmi panga a um. Cuih tili cu Hebru ṭong in Bethzatha tiah an ti. Cuih deusuan sungah cun mina tampi an it teptep. Ṭhenkhat cu mitcaw, ṭhenkhat cu ke-awl le ṭhenkhat cu a zengmi tla an si. (A caancaan ah Bawipa ih vancungmi a rung ṭum ih tidai kha a cangter ṭheu. Cutiih tidai a cang vete in tili sungih a dawp hmaisa bik kha an natnak ihsin an dam ṭheu. Curuangah mina pawl cun tidai caang ding kha an hngak.) Cutawkah mipa pakhat kum sawm thum le kum riat sung a nami a um. Cutawkih a ih ringring kha Jesuh in a hmu ih kum reipi a na zo ti tla a thei. Curuangah Jesuh in, “Dam na duh maw?” tiah a sut.
Cupa in, “Bawipa, tidai a caang tikah tili sungih i hnimtu ding zohman an um lo. Tili sungah ka vung ṭum ding ka ti laifangah midang in in rak khelh ringring ṭheu,” tiah a ti.
Jesuh in, “Tho awla na ihphah la in feh aw,” tiah a ti. Hmakhatteah cupa cu a dam; a ihphah cu a lak ih a feh.
Cuih ni cu Sabbath ni a si. Curuangah Judah mi hotu pawl in damnak a ngahtu pa cu, “Tuih sun hi Sabbath ni a si ih na ihphah na fehpi hi kan Daan in a duh lo a si,” tiah an ti.
Anih in, “Keimah i damtertu pa in na ihphah la awla feh aw, i ti si!” tiah a ti.
Annih in, “Cutiih a lo titu cu zo so a si?” tiah an sut.
Asinain damnak a ngahtu pa cun Jesuh cu zo a si ti a thei lo, ziangahtile cutawkah miburpi an um ih an lakin Jesuh cu a rak feh zo.
Neh hnuah cupa cu Jesuh in Biakinn sungah a tong ih, “Zohhnik! Atu cu na dam zo; curuangah va sual nawn hlah. Culole na parah thil ṭha lo sinsin a thleng ding,” tiah a ti.
Cule cupa cu a feh ih Judah mi hotu pawl hnenah, “I damtertu cu Jesuh a si,” tiah a va sim. Sabbath ni ih mi a damter ruangah cun Jesuh cu an ralsan ih harsatnak an pek. Jesuh in an hnenah, “Ka pa cu hna a ṭuan ringring ih kei khal hna ka ṭuan ve a ṭul a si,” tiah a ti.
Cutiih a ti ruangah Judah mi hotu pawl cu an thin-ai a thok ih amah kha thah an tum sinsin; Sabbath a buar lawng si loin Pathian cu ka Pa a si, a ti ruangah Pathian tlukah a tuah aw tiah an ruat.

Curuangah Jesuh in an hnenah, “Thungai in ka lo sim: Fapa cun amah tein zianghman a tuah thei lo. A Pa ih tuahmi a hmuhmi lawng kha a tuah a si. Pa in a tuahmi kha Fapa khal in a tuah ve. Ziangahtile Pa in a Fapa kha a duhdawt ih a tuahmi hmuahhmuah kha a hmuh ṭheh. Himi hnakin tuah ding a nasa sawn mi kha a hmuh hrih ding ih nan mang a bang ding. Pa in mithi a thawhter ih nunnak a pek vekin Fapa khal in a duhmi poh hnenah nunnak a pe ve a si. Pa in zo ih par hmanah thuṭhennak a tuah lo. Fapa hnenah thuṭhen theinak a pe zo. Curuangah Pa a upattu hmuahhmuah in Fapa khal an upat ve pei. Zokhal Fapa a upat lotu cun a thlahtu a Pa khal a upat ve lo a si.
Thungaite in ka lo sim: zokhal ka simmi a thei ih i thlahtu a zum ahcun kumkhua nunnak a nei. Thuṭhennak a tong lo ding; cutiin thihnak ihsin nunnak ah a lut zo. Thungaite in ka lo sim: mithi in Pathian Fapa ih aw an thei ding; a theitu hmuahhmuah in nunnak an ngahnak caan a ra ding ih atu khalah a thleng rero zo. Pa amah rori cu nunnak ih hrihram a si; cuvek thotho in Fapa khal cu nunnak ih hramhri a siter zo. Cule Fapa cu Milai Fapa a si ruangah thuṭhennak thu a pek. Hiti a si ruangah nan mangbang hlah uh; mithi hmuahhmuah in a aw an theih ih, an thlaan sung ihsin an suahnak tikcu a ra thleng ding: thil ṭha a tuahtu pawl cu nung dingah an tho sal ding; cule thil ṭha lo a tuahtu pawl cu hnon dingah an tho sal ve ding,” tiah a ti.

Jesuh in, “Keimah ih thu in zianghman ka tuah thei lo. Thuṭhennak ka tuah asile Pathian ih i simmi vekin ka tuah; curuangah ka thuṭhennak cu a dik a si, ziangahtile ka duhmi tuah ka tum lo, i thlahtu ih duhmi lawng tuah ka tum a si.
Keimah in keimah ih thu lawng ka rel a si ahcun ka thusimmi cu a dik ngaingaimi a si, ti a theih lo ding. Sikhalsehla ka ai-ah keimah ih thu a simtu ding midang pakhat a um ih ka thu a simmi cu a dik a si, ti ka thei. Johan hnenah nan palai pawl nan thlah ih amah in thutak a rak sim hai. Hitiih ka ti tikah theihpitu minung ka neih a ṭul ka tinak a si lo; rundamnak nan ngah theinak dingah ka simmi a si. Johan cu a alh ih a tleumi mei-inn vek a si; a tleunak sungah caan malte sung lawng nan lung a awi. Asinain ka ai-ah ka thuhla i theihpitu a um ih Johan ih thutheihpinak hnakin a tum sawn; cumicu Pa in i pekmi ka thil tuahmi pawl hi an si. Cuih ka thil tuahmi cun Pa in i thlah ti a langter. Cule i thlahtu ka Pa khal hi ka ai-ah ka thu i theihpitu a si. A aw nan thei dah lo, a hmuihmel khal nan hmu dah lo; cule a thu simmi khal nan thinlung sungah nan ret lo, ziangahtile a thlah mipa hi nan zum lo. Ca Thianghlim sung nan hawl; cutiih nan hawlnak cu hi Ca Thianghlim sungah hin kumkhua nunnak kan hmu ding, tiah nan ruah ruangah a si. Hi Ca Thianghlim cu keimah ih thu a simtu a si. Sikhalsehla nunnak ngah dingah ka hnenah nan ra duh cuang lo.
Minung hnen ihsin thangṭhatnak ngah ding ka hawl lo. Sikhalsehla mi ziangvek nan si ti ka lo thei ih nan thinlung sungah Pathian duhdawtnak zianghman a um lo. Ka Pa ih hmin thawn ka ra naón in saang duh lo; asinain mi pakhat amah ih hmin lawng in a ra asile amah sawn cu nan rak pom ding. Pakhat le pakhat hnen ihsin porh le lomnak ngah nan duh zet, asinain amah lawng Pathian a si mi hnen ihsi cun thangṭhatnak ngah nan tum lo; cuti a si ahcun ziangtinso kei cu in zum thei ding? Keimah hi Pathian ih hmaiah in mawhthluktu a si ding, tiah i ruat hlah uh. A parih ruahsannak nan neih bikmi Moses rori hi a lo mawhthluktu a si ding. Moses nan zum ngah ngaingai rak sisehla keimah khal hi in zum ve ding; ziangahtile Moses in ka thu a rak ngan a si. Sihmansehla amah ih nganmi nan zum lo a si ahcun, ka simmi hi ziangtinso nan zum thei ding?” tiah a ti.

Lyt til JOHAN 5