 If you would like a copy of this version please contact info@davarpartners.org

The Gamo Bible, CC-BY-SA-4.0, The Word for the World International and The Word for the World Ethiopia (Text). Gamo Audio Bible, CC-BY-SA-4.0, Davar Partners International, 2017. (Audio)

Gamo Bible

The Word for the World International amp The Word for the World Ethiopia

ኖሄ ናይታ፥ ሴሜ፥ ካሜኔ ያፌቴ ዬሌታይ ሃይሳፌ ካሊ ጻፌቲዳይሳ፤ ይሳ ሃፌ ጉዬ ኢስታስ ኣቱማ ናይቲ ዬሌቲዳ።
ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ ጎሜሬ ኣቱማ ናይቲ ኣሽኬናዜ፥ ኢራፋቴኔ ቶጋርማ። ያዋኔ ኣቱማ ናይቲ ኤሊሼ፥ ታርሴሴ፥ ኪቲሜኔ ኤሮዴ። ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴን ካዎቴን ሻኬቲዴስ።
ካሜ ኣቱማ ናይቲ ኩሼ፥ ጊብጼ፥ ፑጼኔ ካናኔ።
ኩሼ ኣቱማ ናይቲ ሴባ፥ ሃዊላ፥ ሳቢቴ፥ ኤራኢሜኔ ሳቢቴካ።
ኤራኢሜ ኣቱማ ናይቲ ሳባኔ ዳዳኔ።
ኩሼይ ናሙሩዴ ዬሊዴስ፤ ናሙሩዴይ ቢታ ቦላን ኮይሮ ዎልቃማ ኦላንቻ ጊዲዴስ፤ ጎዳ ሲንንካ ኢዚ ዎልቃማ ሻንካንቻ ጊዲዴስ፤ ሄሳ ጊሻስ፥ «ናሙሩዴ ማላ ጎዳ ሲንን ዎልቃማ ሻንካንቻ ጊዳ» ጌቴቴስ። ኢዛ ካዎቴን ኮይሮ ካታማቲ ሳናኦሬ ቢታን ዲዛ ባቢሎኔ፥ ኤሬኬ፥ ኣካዴኔ ካላናሄ። ኢዚ ሄ ቢታፌ ኣሶሬ ቢዲ ናናዌ፥ ኤራሆቦቴኔ ካላሄ ካታማታ ኦዴስ፤ ቃሴ ናናዌፔኔ ካላሄፔ ጊዶን ዲዛ ኤሬሴኔ ጌቴቲዛ ጊታ ካታማካ ኦዴስ።
ጊብጼይ ሉዲሜታ፥ ኣናሜታ፥ ላሃቤታ፥ ናፍቱሄታ፥ ጳጺሮሴታ፥ ካሲሉሄታኔ ፊሊስጼሜታ ዬሊዳ ካፍቶሬታ ኣዋ። ካናኔይ ባ ባይራ ናዛ ሲዶና፥ ኬጼታ፥ ያቡሴታ፥ ኣሞሬታ፥ ጌርጌሴታ ኣዋ፤ ቃሴካ ሂዌታ፥ ኣርቄታ፥ ሲኔታ፥ ኣርዋዴታ፥ ጻማሬታኔ ሃማቴታ ኣዋ። ሄሳፌ ጉዬ ካናኔ ዜሬቲ ቢታ ቦላ ላሌቲዳ።
ካናኔ ቢታ ዛዋይ ሲዶናፔ ዶሚዲ ጌራሬኔ ጋዛራ ካንዲ፥ ሶዶሜኔ ጋሞራ፥ ኣዳማኔ ጻቦይሜ ካን ቢዲ ላሻኤሬ ጋኬስ። ካሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴን ካዎቴን ጻፌቲዳይቲ ሃይታንታ።
ሴሜስ ናይቲ ዬሌቲዳ፤ ኢዚ ያፌቴስ ባይራ ኢሻኔ ኤቦሬ ናይታ ኡባስ ማይዛ። ሴሜ ኣቱማ ናይቲ ኤላሜ፥ ኣሶሬ፥ ኣርፋኪሲዴ፥ ሉዴኔ ኣራሜ።
ኣራሜ ኣቱማ ናይቲ ኡጼ፥ ሁሌ፥ ጌቴሬኔ ሜሼ።
ኣርፋኪሲዴይ ሼላሄ ዬሊዴስ። ሼላሄይ ኤቦሬ ዬሊዴስ።
ኤቦሬስ ናምኡ ኣቱማ ናይቲ ዬሌቲዳ፤ ቢታን ዲዛ ኣሳይ ኢዛ ዎዴን ሻኬቲዳ ጊሻስ ኢሳ ሱን ፔሌጌ ጌቴቲዴስ፤ ኢዛ ኢሻዛ ሱን ዮቂጻኔ ጌቴቴስ።
ዮቂጻኔይ ናይታ ዬሊዴስ፤ ኢስቲካ ኣልሞዳዴ፥ ሼሌፌ፥ ሃጻርማዌቴ፥ ዬራሄ፥ ሃዶራሜ፥ ኡዛሌ፥ ዲቂሌ፥ ኦባሌ፥ ኣቢማኤሌ፥ ሳባ፥ ኦፊሬ፥ ሃዊላኔ ዮባቤ፤ ሃይታንቲ ዉሪካ ዮቂጻኔ ኣቱማ ናይታ።
ኢስቲ ዴኢዳ ቢታይ ኣርሼይ ሞኪዛ ባጋራ ዲዛ ዙማ ሜሼፔ ቢዲ ሳፋሬ ጋኬስ። ሴሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴን ካዎቴን ጻፌቲዳይቲ ሃይታንታ።
ሃይታንቲ ባ ቆሞን ቆሞኒኔ ባ ካዎቴን ካዎቴን ጻፌቲዳ ኖሄ ኣቱማ ናይታ ዜሬታ፤ ይሳ ሃፌ ሲሚን ካዎቴቲ ሃይታንታፌ ቢታ ኡባ ቦላ ላሌቲዳ።

Lyt til ሜቴ ማጻፋ 10