Zapoteco de Ozolotepec - 2007 Edition (Non-Drama - NT)

<div class="version vid707 iso6393zao" data-vid="707" data-iso6393="zao">
 <div class="book bkACT">
 <div class="chapter ch18" data-usfm="ACT.18">
 <div class="label">18</div><div class="s">Paba mzin yez Corinto</div><div class="p"> 1Bluz leettsa ngwalo mriid re koree, tsa lee Paba mroo yez Atenas ndya yez Corinto. 2Tya mzaal Paba thib tawlaz Paba, zha Israel, zha ree le Aquila, zha ree ngol yezlyu Ponto. Aquila ne Priscila tsaal Aquila penta ndyaad rop zha mroo zha yezlyu Italia ne mzin zha tya, tak lee rey Claudio mnabee roo reta zha Israel Roma. Tsa lee Paba ngwatwii lo rop tsaal zha. 3Ne leeka tsiin kuu ntsow Paba nak rtsin rop zha. Kona myaan Paba lo rop zha, tsa thibka mke re zha tsiin, lee re zha ngib yid kuu ndexkwaa yuu yid. 4Ne reta wiz kuu ndroxkwan zha, lee Paba nya ndaa kwent xkiiz Diox ta nkaltaa re zha Israel nteed xkiiz Diox, ne mkwaan Paba mod tsa yelaaz re zha Israel ne re zha kuu nagt zha Israel Jes&#250;s.</div><div class="p"> 5Leettsa lee Silas rop Tim mzin yez Corinto, rop zha ree mroo yezlyu Macedonia. Tsa lee kuu ntsow Paba nak anta ndaa Paba kwent xkiiz Diox, ne mbez Paba lo re zha Israel lee Jes&#250;s nak Crist Kuu Mtaal Diox Nabee. 6Per lee re zha mndelo mnayii mne Paba, ne mlooz zha Paba. Tsa lee Paba mtsib xabe lo re zha, taxal thib seny lee re zha nzhont diiz, ne nzhab Paba lo re zha:</div><div class="p">&#8213;Gooka nap falt os lux goo, napt nay. Desde nalor leen ndata kwent xkiiz Diox lo re zha kuu nagt zha Israel.</div><div class="p"> 7Tsa mroo Paba ta nkaltaa re zha Israel nteed xkiiz Diox, ne ngwa Paba liz thib mbyi kuu le Justo, zha ree kwathoz nzhon diiz lo Diox. Ne gaxta ta nkaltaa re zha nteed xkiiz Diox ndob liz zha. 8Tsa lee Crispo thib zha kuu nabee ta nkaltaa re zha nteed zha xkiiz Diox, re lizta zha ngwalaaz Jes&#250;s, noga kwaro re zha yez Corinto leettsa mbin zha xkiiz Diox ngwalaaz zha Jes&#250;s ne ngokleyy zha. 9Thib yaal lee Diox mloo lo Paba taxal lo mkaal, ne nzhab Diox lo Paba:</div><div class="p">&#8213;Tsebta, taaka kwent xkiz&#700;n. Towta roo&#700;a, 10tak na ndo kon lu, ne neeka thib zha gagt tsow thib kuu went lo&#700;a, tak kwaro zha kuu nzo yez ree gak zha da.</div><div class="p"> 11Ne mlet Paba thib liin narol yez Corinto, mteteed Paba re men xkiiz Diox.</div><div class="p"> 12Per leettsa lee Gali&#243;n nak zha kuu nabee yezlyu Acaya, tsa lee re zha Israel myaan zha diiz ne mzhen zha Paba ne mndeno zha Paba lo Gali&#243;n, 13ne nzhab re zha lo Gali&#243;n:</div><div class="p">&#8213;Zha ree ngetsow thib kuu went lo ley chaanaa: Tak mbez zha lo re men, ndoblo men gol men lo Jes&#250;s.</div><div class="p"> 14Leettsa lee Paba nda ni, tsa lee Gali&#243;n nzhab lo re men:</div><div class="p">&#8213;Kenza goo zha Israel, os lee goo nkeki goo mbyi ree por thib kuu went kuu mtsow zha, taxal mbeth zha thib men, tetsow&#700;n kas kuu ne goo. 15Per koree nak kwent chaan ley chaan goo, btexnet gooy, nlaazt&#700;n taab&#700;n lo kwenta.</div><div class="p"> 16Ne mloo Gali&#243;n re zha yuulow. 17Tsa lee re zha&#700;a mzhen Sosten&#233;s zha kuu nabee ta nkaltaa re zha Israel nteed xkiiz Diox, ne mdinke zha Sosten&#233;s roo yuulow, ne neeka kas mtsowt Gali&#243;n kona.</div><div class="s">Paba mretab yez Antioqu&#237;a</div><div class="p"> 18Ne mlet Paba plo tyemp yez Corinto, tsaraa nzhab Paba lo re zha kuu nyelaaz Jes&#250;s lee Paba bi, ne ndya Paba kon Priscila ne Aquila par yezlyu Siria. Or bee ter ten Paba bark yez Cencrea, tsa mga Paba yitsek Paba, tak mtsowa Paba thib kuu nzhab Paba lo Diox tsow Paba. 19Or mzin re zha yez &#201;feso, tya mlaa Paba Priscila ne Aquila, lee Paba ngwa ta nkaltaa re zha Israel nteed xkiiz Diox, ne mndediz Paba kon re zha kuu mkaltaa tya, 20ne lee re zha ree mnaab lo Paba kwet Paba plo tyemp lo re zha, per mzhyalt Paba. 21Tsa nzhab Paba lo re zha:</div><div class="p">&#8213;Leen ndya, tak ndoblo riid&#700;n ani kuu ndyaad ree Jerusal&#233;n. Per os lee Diox taa diiz tayadtwin lo re goo tedib welt.</div><div class="p">Ne telut bluz lee Paba ngoo bark mroo yez &#201;feso. 22Ne or mzin Paba Cesarea, tsa ngwa Paba yez Jerusal&#233;n, ngwatwii Paba lo re zha kuu nyelaaz Jes&#250;s, tsaraa ndya Paba Antioqu&#237;a. 23Leettsa nda&#700;a tyemp nzo Paba Antioqu&#237;a, tsa mre Paba ngwa thibga re yez kuu nzi yezlyu Galacia ne yezlyu Frigia, tsa mloney Paba leettsoo re zha kuu nyelaaz Jes&#250;s kuu nzo par tya.</div><div class="s">Apolos mndaa kwent xkiiz Diox yez &#201;feso</div><div class="p"> 24Ne re wiza mzin thib zha Israel kuu le Apolos yez &#201;feso, Apolos nak zha yez Alejandr&#237;a. Ne kwathoz nzhaak Apolos ndediz, noga kwathoz nzhaak Apolos xkiiz Diox. 25Kwathoz wen mteed Apolos xkiiz Diox, kon dib ndroo leettsoo Apolos mndaa Apolos kwent xkiiz Diox lo re men ne nambi mloo Apolos lo re zha, tegal beeta mod kuu mtsowleyy Juan nlebee Apolos. 26Ne mzebt Apolos mndelo Apolos mndaa kwent xkiiz Diox, ta nkaltaa re zha Israel nteed xkiiz Diox, per or mbin Priscila rop Aquila koree, tsa mndeno rop zha Apolos liz zha ne mteteed zha Apolos mas wen xkiiz Diox. 27Or lee Apolos mtsow xgab ya yez Acaya, tsa lee re zha kuu nyelaaz Jes&#250;s yez &#201;feso, mloney leettsoo Apolos ne mkee re zha thib yeets mtaal zha lo re zha kuu nyelaaz Jes&#250;s tya, tsa wen kayaa zha Apolos or tsin Apolos tya. Ne or mzin Apolos Acaya kwaro mtsow Apolos ayud re zha kuu ngwalaaz Jes&#250;s por yalwen chaan Zha Nabee, 28ne kon xkiiz Diox kwathoz nambi mloo Apolos, lee Jes&#250;s nak Crist Kuu Mtaal Diox Nabee, ne mloo Apolos wlit re kuu mloo re zha Israel. Ne neeka thib zha yent kwan nzhab lo Apolos.</div>
 </div>
 </div>
</div>

Bluz leettsa ngwalo mriid re koree, tsa lee Paba mroo yez Atenas ndya yez Corinto. Tya mzaal Paba thib tawlaz Paba, zha Israel, zha ree le Aquila, zha ree ngol yezlyu Ponto. Aquila ne Priscila tsaal Aquila penta ndyaad rop zha mroo zha yezlyu Italia ne mzin zha tya, tak lee rey Claudio mnabee roo reta zha Israel Roma. Tsa lee Paba ngwatwii lo rop tsaal zha. Ne leeka tsiin kuu ntsow Paba nak rtsin rop zha. Kona myaan Paba lo rop zha, tsa thibka mke re zha tsiin, lee re zha ngib yid kuu ndexkwaa yuu yid. Ne reta wiz kuu ndroxkwan zha, lee Paba nya ndaa kwent xkiiz Diox ta nkaltaa re zha Israel nteed xkiiz Diox, ne mkwaan Paba mod tsa yelaaz re zha Israel ne re zha kuu nagt zha Israel Jesús.
Leettsa lee Silas rop Tim mzin yez Corinto, rop zha ree mroo yezlyu Macedonia. Tsa lee kuu ntsow Paba nak anta ndaa Paba kwent xkiiz Diox, ne mbez Paba lo re zha Israel lee Jesús nak Crist Kuu Mtaal Diox Nabee. Per lee re zha mndelo mnayii mne Paba, ne mlooz zha Paba. Tsa lee Paba mtsib xabe lo re zha, taxal thib seny lee re zha nzhont diiz, ne nzhab Paba lo re zha:
―Gooka nap falt os lux goo, napt nay. Desde nalor leen ndata kwent xkiiz Diox lo re zha kuu nagt zha Israel.
Tsa mroo Paba ta nkaltaa re zha Israel nteed xkiiz Diox, ne ngwa Paba liz thib mbyi kuu le Justo, zha ree kwathoz nzhon diiz lo Diox. Ne gaxta ta nkaltaa re zha nteed xkiiz Diox ndob liz zha. Tsa lee Crispo thib zha kuu nabee ta nkaltaa re zha nteed zha xkiiz Diox, re lizta zha ngwalaaz Jesús, noga kwaro re zha yez Corinto leettsa mbin zha xkiiz Diox ngwalaaz zha Jesús ne ngokleyy zha. Thib yaal lee Diox mloo lo Paba taxal lo mkaal, ne nzhab Diox lo Paba:
―Tsebta, taaka kwent xkizʼn. Towta rooʼa, tak na ndo kon lu, ne neeka thib zha gagt tsow thib kuu went loʼa, tak kwaro zha kuu nzo yez ree gak zha da.
Ne mlet Paba thib liin narol yez Corinto, mteteed Paba re men xkiiz Diox.
Per leettsa lee Galión nak zha kuu nabee yezlyu Acaya, tsa lee re zha Israel myaan zha diiz ne mzhen zha Paba ne mndeno zha Paba lo Galión, ne nzhab re zha lo Galión:
―Zha ree ngetsow thib kuu went lo ley chaanaa: Tak mbez zha lo re men, ndoblo men gol men lo Jesús.
Leettsa lee Paba nda ni, tsa lee Galión nzhab lo re men:
―Kenza goo zha Israel, os lee goo nkeki goo mbyi ree por thib kuu went kuu mtsow zha, taxal mbeth zha thib men, tetsowʼn kas kuu ne goo. Per koree nak kwent chaan ley chaan goo, btexnet gooy, nlaaztʼn taabʼn lo kwenta.
Ne mloo Galión re zha yuulow. Tsa lee re zhaʼa mzhen Sostenés zha kuu nabee ta nkaltaa re zha Israel nteed xkiiz Diox, ne mdinke zha Sostenés roo yuulow, ne neeka kas mtsowt Galión kona.

Ne mlet Paba plo tyemp yez Corinto, tsaraa nzhab Paba lo re zha kuu nyelaaz Jesús lee Paba bi, ne ndya Paba kon Priscila ne Aquila par yezlyu Siria. Or bee ter ten Paba bark yez Cencrea, tsa mga Paba yitsek Paba, tak mtsowa Paba thib kuu nzhab Paba lo Diox tsow Paba. Or mzin re zha yez Éfeso, tya mlaa Paba Priscila ne Aquila, lee Paba ngwa ta nkaltaa re zha Israel nteed xkiiz Diox, ne mndediz Paba kon re zha kuu mkaltaa tya, ne lee re zha ree mnaab lo Paba kwet Paba plo tyemp lo re zha, per mzhyalt Paba. Tsa nzhab Paba lo re zha:
―Leen ndya, tak ndoblo riidʼn ani kuu ndyaad ree Jerusalén. Per os lee Diox taa diiz tayadtwin lo re goo tedib welt.
Ne telut bluz lee Paba ngoo bark mroo yez Éfeso. Ne or mzin Paba Cesarea, tsa ngwa Paba yez Jerusalén, ngwatwii Paba lo re zha kuu nyelaaz Jesús, tsaraa ndya Paba Antioquía. Leettsa ndaʼa tyemp nzo Paba Antioquía, tsa mre Paba ngwa thibga re yez kuu nzi yezlyu Galacia ne yezlyu Frigia, tsa mloney Paba leettsoo re zha kuu nyelaaz Jesús kuu nzo par tya.

Ne re wiza mzin thib zha Israel kuu le Apolos yez Éfeso, Apolos nak zha yez Alejandría. Ne kwathoz nzhaak Apolos ndediz, noga kwathoz nzhaak Apolos xkiiz Diox. Kwathoz wen mteed Apolos xkiiz Diox, kon dib ndroo leettsoo Apolos mndaa Apolos kwent xkiiz Diox lo re men ne nambi mloo Apolos lo re zha, tegal beeta mod kuu mtsowleyy Juan nlebee Apolos. Ne mzebt Apolos mndelo Apolos mndaa kwent xkiiz Diox, ta nkaltaa re zha Israel nteed xkiiz Diox, per or mbin Priscila rop Aquila koree, tsa mndeno rop zha Apolos liz zha ne mteteed zha Apolos mas wen xkiiz Diox. Or lee Apolos mtsow xgab ya yez Acaya, tsa lee re zha kuu nyelaaz Jesús yez Éfeso, mloney leettsoo Apolos ne mkee re zha thib yeets mtaal zha lo re zha kuu nyelaaz Jesús tya, tsa wen kayaa zha Apolos or tsin Apolos tya. Ne or mzin Apolos Acaya kwaro mtsow Apolos ayud re zha kuu ngwalaaz Jesús por yalwen chaan Zha Nabee, ne kon xkiiz Diox kwathoz nambi mloo Apolos, lee Jesús nak Crist Kuu Mtaal Diox Nabee, ne mloo Apolos wlit re kuu mloo re zha Israel. Ne neeka thib zha yent kwan nzhab lo Apolos.

Lyt til Hechos 18