Populære bibelvers fra JOHN 5

Del

T'áá aaníí, t'áá aaníígóó ánihidishní, T'áá háiida shizaad yidiits'a' áádóó shiníł'a'ii yoodlánígíí, éí iiná doo ninít'i'ii bee hólǫ́, áádóó doo baa náhódóot'įįł da, nidi aniné bits'ą́ą́dóó iináajį' ííyá.

Jesus éí yiyiiłtsą́ągo t'áá ákwe'é dziztį́įgo lą'í nááhaigo bił bééhózingo áháłní, Nááshidi'doodlááłísh nínízin?

Jó, nihí Diyin God bizaad bee ak'eda'ashchínígíí nidaałkaah, háálá éí biyi' iiná doo ninít'i'ii nihee hólǫ́ danohsin, áko t'áá éí ałdó' shaa dahalne'ii ádaat'é, nidi iiná nihee dahodooleeł biniyé doo shaa danohkááh át'ée da.

Áko Jesus áhodííniid, Nídiidááh, bik'i nítéhí nídiiłtsóosgo dah diinááh. T'áá áko diné éí hadaałt'é ánábi'diilyaa, áko bik'izhnitéhí nízdiiłtsoozgo dashdiiyá. Díí háá'áyį́į́h jį́ biyi' áhóót'įįd.

Áko Jesus áhodííniid, T'áá aaníí, t'áá aaníígóó ánihidishní, AYe' jílíinii t'áá hó hánii k'ehgo ha'át'íhída doo ázhdoolíił da, nidi aTaa' hanááł yaa naagháhígíí t'éiyá, háálá aTaa' ha'át'íhída yaa naagháhígíí, t'áá éí ałdó' aYe' yaa naaghá.