Populære bibelvers fra Luka 21

Del

Ē tēnā na, e ara tāmou mārie ma te pure kia rauka i a kōtou i te 'oro mei te au mea rava rāi e vaitata mai nei i te tupu, ē kia rauka i a kōtou i te tū ki mua i te aroaro o te Tamaiti a te Tangata.”

“Kia matakite ko te 'akateia'a'ia ā'ea tō kōtou ngākau i te ma'ata o te kai ē te kona ē te apiapi o te ora'anga nei, ē ka roko'ia manakokore'ia mai ei kōtou e taua rā ra mei te 'ere'ere ra.

E ora rā kōtou kia mou tāmou mārie tikāi kōtou.”

nāku 'oki e 'ōronga atu ki a kōtou i te au tuatua ē te pakari, kia kore rava e rauka i tēta'i 'ua atu o tō kōtou au 'enemi i te pāto'i mai ē te 'aka'apa mai.

Ka ngaro ake te rangi ē te 'enua, kāre rava tāku nei au tuatua e ngaro.”

“'E au 'akairo tō roto i te rā, te marama ē te au 'ētū. Ka tupu te mamae ngākau ē te tūmatetenga ki roto i te au 'iti tangata i te ao nei nō te 'aruru'anga ē te tātāki'anga o te ngaru. Kua tarāvai'ia te tangata i te mataku ē te no'o tāpapa'anga atu i te au mea e vaitata maira ki te ao nei, nō te mea, ka rūrū'ia mai te au mea mana o te rangi. I reira rātou e kite ei i te Tamaiti a te Tangata i te 'aere'anga mai nā roto i tēta'i tiao ma te mana ē te kakā ma'ata.

Ē ka mākitakita'ia kōtou e te kātoatoa nō tōku nei ingoa.

'E au ngāruerue'anga mama'ata tō te 'enua ka tupu, pērā katoa te onge ē te au maki mate i tērā ngā'i ē i tērā ngā'i. Ē ka tupu te au mea rikarika ē te au 'akairo mama'ata mei te rangi mai.

Ē kia 'akarongo kōtou i te au tamaki ē te au 'ōrure'au'anga, auraka e mataku, nō te mea, ka nā mua rāi tēia au mea i te tupu. Kāre rā te 'openga e tae vave mai i reira.” I reira kua 'akakite atura aia ki a rātou, “Ka tū mai tēta'i matakeinanga e tamaki mai ki tēta'i matakeinanga, ē tēta'i bāsileia e tamaki mai ki tēta'i bāsileia.

“'E au 'akairo tō roto i te rā, te marama ē te au 'ētū. Ka tupu te mamae ngākau ē te tūmatetenga ki roto i te au 'iti tangata i te ao nei nō te 'aruru'anga ē te tātāki'anga o te ngaru. Kua tarāvai'ia te tangata i te mataku ē te no'o tāpapa'anga atu i te au mea e vaitata maira ki te ao nei, nō te mea, ka rūrū'ia mai te au mea mana o te rangi.

I reira kua 'akakite atura aia ki a rātou, “Ka tū mai tēta'i matakeinanga e tamaki mai ki tēta'i matakeinanga, ē tēta'i bāsileia e tamaki mai ki tēta'i bāsileia.

Kua pa'u atura a Iēsū, nā kō atura, “Kia matakite, kia kore kōtou e 'akavare'ia. 'E mānganui 'oki te ka 'aere mai ma tōku nei ingoa i te nā kō'anga mai ē, ‘Ko au ia,’ ē ‘Tē vaitata mai nei te tuātau.’ Auraka e āru atu i a rātou.