Populære bibelvers fra Māreko 14

Del

Kua nā kō atura, “E Aba, e taku Metua, e tika te au mea katoa i a koe. E tao'i kē atu i tēianei kapu. Kia tupu rā tō'ou anoano, auraka tōku.”

E ara ē e pure 'oki kia kore kōtou e roko'ia e te tīmata'anga. Kua tika 'oki te vaerua, tē parukā 'ua nei rā te kōpapa.”

Koia mou tāku e karanga atu ki a kōtou nei, te au ngā'i katoa e tūtū'ia ai tēianei 'ēvangelia i te ao katoa nei, e tuatua katoa'ia tā tēianei va'ine i rave nei 'ei manako'anga atu i aia.”

Kua tuatua maira aia ki a rātou, “Kua pini rava tōku vaerua i te mamae mate ma'ata. E no'o kōtou i konei, e ara.”

Ē tē kaikai ra rātou, kua rave i'ora a Iēsū i te mānga, kua 'akameitaki atura, vāvā'i i'ora, tuku atura ki te au pipi, nā kō atura, “Ka rave, ko tōku kōpapa tēia.”

Kua rave i'ora aia i te kapu, e oti akera i te 'akameitaki, tuku atura ki a rātou ra. Kua inu i'ora rātou rava rāi. Kua nā kō atura aia ki a rātou, “Ko tōku toto tēia nō te kōreromotu ra, tei 'akamaringi'ia nō te tangata 'e mānganui.

Kua karanga atura a Iēsū ki tāna au pipi, “E maitu ei kōtou katoa. Kua oti 'oki i te tātā'ia ē, ‘E pāpā au i te tiaki, ē ka pue'urikiriki kē 'oki te au māmoe.’

Ka tū, ka 'aere tātou. Inā, tē vaitata mai nei aia te ka tuku pikika'a mai i āku nei.”

Kua nā kō atura a Iēsū ki aia, “Koia mou tāku e karanga atu ki a koe, ākōnei 'ei tēia pō nei, kāre e tae ki te rua o te kākaoa'anga moa, ka tūtoru ō'ou 'u'una'anga i āku.”