Populære bibelvers fra Yann 8

Del

Neuze Jezuz a gomzas c’hoazh dezho hag a lavaras: Me eo sklêrijenn ar bed, an hini a heuilh ac’hanon ne gerzho ket en deñvalijenn, met bez’ en devo sklêrijenn ar vuhez.

Anavezout a reot ar wirionez hag ar wirionez ho tieubo.

Neuze Jezuz a lavaras d’ar Yuzevien o doa kredet ennañ: Mar kendalc’hit em ger, emaoc’h e gwirionez va diskibien.

Mar dieub eta ar Mab ac’hanoc’h, e voit dieubet evit gwir.

Met evel ma talc’hent d’ober goulennoù outañ, e savas hag e lavaras dezho: An hini ac’hanoc’h a zo hep pec’hed ra daolo ar maen kentañ outi.

Jezuz a respontas dezho: E gwirionez, e gwirionez, me a lavar deoc’h, an hini en em ro d’ar pec’hed a zo sklavour d’ar pec’hed.

Jezuz, o vezañ savet hag o gwelout den nemet ar wreg, a lavaras dezhi: Gwreg, pelec’h emañ da damallerien? Ha n’en deus den kondaonet ac’hanout? Hi a lavaras: Den, Aotrou. Jezuz a lavaras dezhi: Ne varnan ket ac’hanout kennebeut, kae ha na bec’h ken.