Populære bibelvers fra Lucas 1

Del

Presas na sinela chi n’astis para Un-debél.

Y penó Maria: Menda a lacrí e Erañoró, querelese andré mangue segun tiri varda. Y se chaló o Manfariel.

Y rudelando o Manfariel, penó: se bestelará opré tucue, y te querelará sombra a sila e Udscho. Y por ocono o Majaro, sos se chindará de tucue, sinará araquerado Chaboro de Debél.

Y majaró ma andré tun men, presas sinará querelado o saro ma fué penado á tucue de parte e Erañoró.

He acoi concebirás andré tiro chepo, y chindarás chaboro, y araquerarás desquero nao Jesus. Ocóla sinará baro, y sinará araquerado chaboro e Udscho, y le diñará Un-debél Erañó o throno de David desquero batu; y sinará Crallis deltó andré o quer de Jacob. Y desquero chim na terelará anda.

Y o Manfariel le penó: na cangueles Maria, presas has alachado gracia anglal de Debél.