Populære bibelvers fra Matayo 6

Del

Nikwa mutsuke erisonda-sonda obwami buwe neritunganene riwe, nemyatsi eyi yosi yasyabya yenyu nibya.

Kandi simubye na maganiryo busana nomongyakya, kusangwa mongyakya yasyabya namaganiryo wayo. Amalige wekiro kiguma abye angaho busana nekiro ekyo.

Neryo ngababwira nyiti, simubye namaganiryo busana nengebe yenyu muti mwasyaryaki kutse mwasyapulyaki, kutse busana nomubiri wenyu nga mwasyambalaki. Engebe silabire karyo, nomubiri sialabire esyongimba kwehi?

Nikwa omugulu ukasaba, wingire mo kisenge kyawe ukinge oluyi usabe Tata wawe oyuri bubi-sobiso; na Tata wawe oyu kalangira bubiso biso asyakuhemba.

Musabe mutya muti: Tata wetu oyuri elubula, Erina ryawe riyirawe mo ribuyirire. Obwami bwawe bwase, Erisonda ryawe riyirawe, Omo kihugo ngoko riri omo lubula.

Utuhe munabwire obundu bwetu bwekirokiro

Utubuyire emyinda yetu. Ngoko netu tukabuyira abari kwemyinda yetu

Sutulete omwilengwako, Nikwa utulamaye oko kibi. Kusangwa obwami ni bwawe, Na kagala nolukengerwa, Na kera na kera. Bibye bitya.

Kusangwa mwamabuyira abandu kwa malolo wabo, Tata wenyu welubula asyababuyira

Musamalire esyonyonyu syomo kyanya; sisyebiba kutse erigesa kutse erihunika omo mbiso, nikwa Tata wenyu welubula akarisayasyo. Simuri benzwere eyilengiresyo kutsibu kwehi?

Simuyibikire ebindu mona kihugo, aho ehinyurugunzu namakenge bikaheraya naho abarahi bakatula ibiba, nikwa muyibikire ebindu elubula, aho ebinyurugunzu kutse amakenge siariheraya naho abarahi sibetula neriiba. Kusangwa ahari ebindu byawe, ho mutima wawe akabya.

Sihari oyo wangakolera abakama babiri; kusangwa asyakwa muguma ekiniga inianza ogundi, kutse asyabegera oko muguma neripona ogundi. Simwangatoka erikolera Mungu nebindu.

Nikwa Mungu amabya akambalaya ebiti byomoli atya, ebiriho lino nomungyakya bikagusawa omo riko, siendisyabambalya kwilaba aho, inywe bandu berikirirya ike kwehi?

Nikwa omugulu ukahitaya, ebyala bwaye byamalembe sibiminye ekyo ebyala byamali bikakola, erihitya ryawe ribye bubi-sobiso; na Tata wawe oyu kalebaya bubi-sobiso asyakuhemba.

Muyitegaye simuyire obugenge bwenyu emuliro wabandu erilolwako nabo; kusangwa mwamayira mutya simuri nolu hembo luku Tata wenyu oyuri elubula.

Kandi omugulu mukatsira akaryo, simubye nobusu bwengitsi, nga batebya, kusangwa bakatsandaya amasu wabo bati balolaweko nabandu. Kwenene, ngabuga nenyu, banawite oluhembo lwabo. Nikwa omugulu ukatsira karyo, uhakabaye omutwe wawe gwamauta unabe omo busu bwawe, eritsira ryawe sirilolaweko nabandu nikwa nina Tata wawe oyuri bubi-sobiso; na Tata wawe oyu kalebaya bubi-sobiso asyakuhemba.