Populære bibelvers fra Lukas 14

Del

“Tus uas los cuag Kuv, yog nws tsis ntxub nws niam nws txiv, nws pojniam menyuam, nws kwv nws tij, nws nkauj nws muam, thiab ntxub nws tuskheej, mas nws ua tsis tau Kuv li thwjtim.

Thiab tus uas tsis kwv nws tus ntoo khaublig thiab nrog Kuv mus, tus ntawd ua tsis tau Kuv li thwjtim.

Rauqhov txhua tus uas tsa nws lub hwjchim, yuav raug muab txo kom qis, thiab tus uas txo nws lub hwjchim, yuav raug muab tsa kom siab.”

Yexus xaus lus hais tias, “Ib yam nkaus li ntawd, tus uas tsis kam tso txhua yam uas nws muaj tseg, tus ntawd yuav ua tsis tau Kuv li thwjtim.

“Yog nej ib tug twg npaj yuav ua ib lub chaw tsomfaj, nws yeej xub los zaum ua tibzoo xav seb yuav siv nyiaj npaum licas, thiab seb nws puas yuav muaj nyiaj txaus ua kom qhov ntawd tiav. Yog nws tsis xub ua li ntawd, ces txawm yog nws twb ua tau lub quatsev tas lawm los nws yuav ua lub chaw tsomfaj ntawd tsis tiav. Thaum tej neeg pom li ntawd, lawv yuav thuam nws hais tias, ‘Tus neeg no pib ua lawm ntag, tiamsis nws tsis muaj peevxwm ua kom tiav!’

Thaum koj npaj ib rooj noj rooj haus, koj ciali caw tej neeg pluag, tej qhuavtes qhuavtaw, tej cegtawv, thiab tej digmuag tuaj noj; koj thiaj yuav tau txais koobhmoov, rauqhov lawv cov ntawd yuav tsis muaj peevxwm pauj taus koj tej txiajntsig. Tiamsis thaum cov neeg ncajncees sawv hauv qhovtuag rovqab los, Vajtswv yuav pauj rov rau koj.”

“Ntsev yeej zoo, tiamsis yog ntsev tsuag lawm, yuav ua licas thiaj rov daw tau? Cov ntsev ntawd txawm yuav muab tso rau hauv av thiab muab xyaw chiv los yeej tsis zoo, kawg muab povtseg lawm xwb. Yog leejtwg muaj pobntseg, ciali mloog!”