Populære bibelvers fra Saŋ 19

Del

Nan Yéesu acafenumuu bunukabu bacabumuu, li aan: — Wahawu feh ukaani ban! Muñeˈe li ásit, li awalo.

Fúlum tó, emmuu Yéesu bahaase aan muñeˈe wahawu feh ubane, min hulimahu han bakiicelabu bulobumuu ubaj, li aan: — Bahob bookom.

Yéesu li ajuk jaawool, tin tano li ágoomawu an afañumuu ŋáa’. Yéesu li aan jaawool Mali: — Aáyo, añooli ummu. Ban li aan ágoomawu: — Jaawi ummu. Muñeˈe yaan no unnu, ágoomawu li aŋa’ jaaw ata Yéesu ájowetum ban okila akinumuu.

Nan kúliiŋumuu li Yéesu, li kujuk koon layaane aket. Wahawu unwu újimuu kuhumut kootaku koola. Bale akee li kusollaaliyaku li aŋa’ kabaay min aya Yéesu li kaheh áfawul. Húsim li huyaan húfulul li kamal.

Mata li mal̥egenamu wahawu unwu ubabbaj bájum kulimaku kan Bakiicelabu bulobumuu li kulako li mo, kaanumuu: «Ewuulool yanooyan let ehumi.» Ban li baj li Bakiicelabu hulim hakee haane: «Fan kujuke anawu an kúfawulumuu.»

Yéesu li ateb akila humumool ekuluwaayi yoola min ajow áfu’ tíyaŋ ésukayi, boot tan koonemuu «tin tata husend». (Yan koonemuu «Goligota» li elobayi yata Kusuwifaku.)

Muñeˈe kusollaaliyaku li kuhec kugola kata úbuja kukaan éjambi kukaanool li húkow, ban li kukaanool hújufo hújunkak.