Populære bibelvers fra Mateo 19

Del

Gʉa eroparĩcʉ̃ Jesu gʉare ĩhabeo, õpa weremi: —Masa erã bocatĩuro erã õaro iira mera Goãmʉ pohroguere wamasibeama. Goãmʉpʉ masare peamegue wabonirãre taumasimi. Ĩgʉ árĩpehrerire õaro iimasipehocãmi, arĩmi ĩgʉ gʉare.

Eropirã erã perã iro dopa árĩbeama. Yuju dʉpʉ iro dopa ta árĩrã iima. Goãmʉ doreri mera mojoto dirima. Eropirã duhubiricãro gahmea erãre, arĩmi Jesu erãre.

Jesu yʉhrimi. —¿Goãmʉ yare erã gojarapũgue ne ire buhebiriniari mʉa? Õpa arĩ gojara ãhraa: “Negohraguere i yebare ĩhacũnugudigʉ ʉmʉ, nomeo sãre iipʉ,” arĩ gojañumi Moise. Õpa ãhraa ĩgʉ arĩ gojanemora: “Eropigʉ ʉmʉ ĩgʉ pagʉ sʉmarãre cohã wiria, ĩgʉ marapo mera árĩgʉcumi. Eropirã erã perã árĩquererã ta yuju dʉpʉ iro dopa ta árĩrãcoma,” arĩ gojañumi.

Gʉa eropa turicʉ̃ ĩagʉ, gʉare Jesu õpa arĩmi: —Majirãgã yʉ pohrogue ariporo. “Waque,” arĩbiricãque erãgãre. Erãgã Goãmʉre erã opʉ pepima. Eropirã ĩgʉ ʉmaro majagʉ ĩgʉ opʉ árĩroguere oãgã iro dopa pepirã ãhrima eroguere, arĩmi Jesu.

Dohpaguere bajarã oparã árĩnirã mʉra irisubuguere bu árĩrã dujarãcoma. Eropirã dohpaguere bajarã bu árĩnirã mʉra irisubure oparã gohrotorãcoma daja, arĩ weremi Jesu gʉare ĩgʉ buherãre.

Eropirã mʉa árĩpehrerã õari buherire yaha árĩburire iimorã, mʉa wirire, mʉa pagʉ porãre, mʉa pagʉ sʉmarãre, mʉa porãre, mʉa poerire apicãnirã wʉaro wajatarãca. Eropirã árĩpehrerinʉri Goãmʉ mera õaro árĩrãca.

Ĩgʉ eroparĩcʉ̃ peegʉ Jesu werenemomi: —Mʉhʉ Goãmʉ mera õaro árĩdiagʉ mʉ yare árĩpehrerire duagʉ waque. Eropa duagʉ árĩpehreri niyerure mʉ wajatarare mojomorocʉrãre oque. Mʉ eropa iicʉ̃ wʉaro mʉ ya ʉmaroguere Goãmʉ pohroguere árĩyuroca. Mʉ eropa iira pʉhrʉ yʉ mera majagʉ árĩbu arique, arĩ weremi Jesu.

—¿Dohpa arĩronore yʉre õagʉ arĩ piyuri mʉhʉ? Goãmʉ dihta õagʉ ãhrimi. Árĩpehrerinʉri Goãmʉ mera árĩdiagʉ ĩgʉ dorerire iique, arĩmi Jesu.

Mʉare werenemogʉra: Camellopʉ awiru gobegãgue ĩgʉ ñajatariwereadiacʉ̃ masiya mara ĩgʉre. Eropa ta doberi opagʉ Goãmʉ opʉ ĩgʉ árĩroguere wacʉ̃ diasataria, arĩmi ĩgʉ.

Mʉare arĩgʉ tiiaa: Masʉ ĩgʉ marapo igo gajigʉ mera ñero iibiriquerecʉ̃ ta igore cóãgʉ, gajigo mera marapocʉgʉ, ĩgʉ gajigo mera ñero iigʉ iimi. Eropigʉ ihĩ cóãdigo mera marapocʉgʉ sã igo mera ñero iigʉ iimi, arĩmi Jesu.

Ĩgʉ eropa wacʉ̃ Jesu gʉare ĩgʉ buherãre werenemomi: —Diaye ta mʉare arĩgʉ iiaa. Doberi oparã Goãmʉre ĩgʉ opʉ árĩroguere erã wadiacʉ̃ diasa ãhraa.