Populære bibelvers fra Mateo 21

Del

Goãmʉ irigʉ diague dijacʉ̃ iigʉcumi. Goãmʉre mʉa umupeocʉ̃,” Yʉ serẽro dopa ta eropa waroca,” mʉa arĩ guñacʉ̃, mʉa serẽdiro dopa ta Goãmʉ iigʉcumi, arĩmi Jesu.

Jesu yʉhrimi: —Ire guñaque mʉa. Goãmʉre õaro guñatura umupeoque. “Diaye ta eropa ta iigʉcumi ĩgʉ,” arĩrã, “Goãmʉ iisome,” arĩbirã, yʉhʉ irigʉre iidiro dopa ta iimasirãca mʉa sã. Eropirã irigʉre yʉ sĩridorediro dopa ta tauro diasarire doremasirãca mʉa Goãmʉre guñatura umupeorã. Irigʉ ʉtãgʉ sãre “Dua aĩ, wʉariyague cóãdigʉ árĩporo,” Goãmʉre mʉa arĩcʉ̃ irigʉ ʉtãgʉ dija waroca.

Eropirã ĩgʉ core warã, ĩgʉ pʉhrʉ nʉrʉsiarã mera õpa arĩ gaguiniguima: —Davi mʉrʉ pãramire marire itamubure umupeorã. Ihĩ Goãmʉ ĩgʉ obeodigʉ õaro ariporo. Ʉmaro majagʉre “Turagʉ ãhrimi,” arĩ umupeorã, arĩ gaguiniguima masa.

Eropa iigʉ õpa arĩmi: —Goãmʉ yare erã gojarapũ õpa ãhraa: Goãmʉ arĩmi: “Yaha wihi Goãmʉ mera wereniguiri wihi waĩcʉroca,” arĩmi Goãmʉ, ãhraa ĩgʉ gojarapũ. Mʉapʉ i wihire Goãmʉ wihire duadoarã game yajarã iiaa, arĩmi ĩgʉ erãre.

Jerusalén majarãre õpa arĩ wereque: “Ĩaque mʉa. Mʉa Opʉ mʉa pohrogue ahrimi. Ĩgʉ ta masare õaro iigʉ ãhrimi. Burro magʉgã weca arigʉcumi,” arĩ wereque Jerusalén majarãre, arĩ gojañumi iribojeguere.

Erã eroparĩcʉ̃ Jesu werenemomi erãre: —¿Goãmʉ yare erã gojarapũ ire yʉre ĩgʉ arĩ gojarare buhebiriri mʉa? Ihĩ Cristo ʉtãye iro dopa ta ãhrimi. Masa Cristore gamebirãcoma. Erã gamebiriquerecʉ̃ Goãmʉ ĩgʉre beye opʉ acumi. Goãmʉpʉ irire iimi. Ĩgʉ eropa iicʉ̃ ĩarã “Õataria,” arĩ pepia mari, arĩ gojañuma iribojeguere. ¿Irire ne buhebiriri mʉa?

Eropigʉ mʉare arĩgʉ tiiaa yʉhʉ. Goãmʉ ĩgʉ dorerire iirã ĩgʉ õari orire opaboya mʉa. Mʉa iibiricʉ̃ ĩha gajirãpʉre ogʉcumi Goãmʉ. Gajirã masapʉ ĩgʉ dorero dopa ta iirãcoma.