Populære bibelvers fra Marcos 1

Del

Eropigʉ ñamiñarigã árĩcʉ̃ boyoboro core, ĩgʉ wahgãra pʉhrʉ masa marirogue ĩgʉ Pagʉ Goãmʉre serẽgʉ wapʉ.

Õpa arĩ werepʉ: —Dohpaguere õpa ãhraa: Goãmʉ ĩgʉ opʉ árĩboro merogã dʉhyaa. Mʉa ñeri iirire bʉjawereque. Eropirã õarire gohrotoque. Õari buherire peeque mʉa, arĩ buhemʉripʉ Jesu.

Ĩgʉ waĩyetuhajacʉ̃ Jesu diague niguidigʉ, majanʉgaja ʉmarogue ĩhamujupʉ. Ʉmʉsi pãrimaa wayoro. Ero pãrimaacʉ̃ ta Espíritu Santo buja iro dopa bejagʉ ĩgʉ weca dijibejajapʉ. Eropiro ʉmarogue wereniguiri bʉsʉyoro. —Mʉhʉ yʉ magʉ yʉ mahigʉ ãhraa. Mʉ mera bʉrigã mucubiria, arĩro cariyoro ʉmarogue.

Masare waĩyegʉ deco mera waĩyea yʉpʉ. Ĩgʉpʉ yʉ tauro iigʉcumi. Mʉare Goãmʉ yarã iigʉcumi ĩgʉ. Espíritu Santore masa mera árĩniguicʉ̃ iigʉcumi, arĩ buhepʉ Ñu.

Erãre arĩpʉ Jesu: —Yʉ mera majarã árĩmorã arique mʉa. Yʉ mera mʉa aricʉ̃ mʉa waire mʉa ñeha gameneorã mʉa iiro dopa ta, Goãmʉ yarã árĩmorãre sihu gameneomorãre iirã árĩcʉ̃ iigʉra mʉare. Yʉ mera mʉa aricʉ̃ eropa iimorãre apigʉra mʉare. Eropirã yʉ mera arique, arĩpʉ Jesu. Ĩgʉ eroparĩcʉ̃ peerã, erã wejẽdi yucʉre apicã ĩgʉ mera waha wañorã.

Eropigʉ õaro masipehogʉ buhegʉ, judio masare erã buherã iro dopa árĩbiripʉ ĩgʉ. Ĩgʉ eropa buhecʉ̃ iri maca majarã pee ʉca wañorã.