Populære bibelvers fra Jɔn 1

Del

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Maa vənzi və mbi, yigi nə luu shɔ. Yigi yɔ́ nə luu shɔ ghɔ Nwi. Yigi yɔ́ nə luu sheꞌ Nwi.

Məley ghɔ́ bee maa vəshəŋ və mfiŋsə. Luu nə, mfiŋsə sɔ́ kee jìa məley ghɔ́ me.

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Vətɔ vənshə fɨ mbi nə fùu fɨ maa yigi yɔ́. Tuu fa kee lùu shɔ faŋ ŋkə nə kee fùu fɨ maa yigi yɔ́ me. Məbwey lùu taa yigi yɔ́. Məbwey ghɔ́ lùu yaa məley, yɨsə sɨ vɨɨ ley.

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Wə ntɨə faŋ ŋwə lùu məley yinsəŋ ghɔ́ nə, nə luu taa mbi. Nwi nə bɔ̀ŋ mbi, shɔ̀ɔ fɨ ghɔ ŋwə. Luu nə, mbi kee kɨ̀ɨ nə ŋwə me. Nɨniŋ, ŋwə nə jwì shɨ ŋwə, ŋkee mbii vɨɨ kee bìŋ ŋwə me.

Məley ghɔ́ lùu məley yinsəŋ faŋ ŋwə yɨ sɨ vɨɨ vənshə ley. Ŋwə nəə jɨjwi mbi maa yighee yɔ́.

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.