Populære bibelvers fra Matayo 21

Del

Ti̱ kyona eki mulasabagha Luhanga mu nsaala muli na ku̱hi̱ki̱li̱ja mulakitungagha.”

Yesu aaghila beeghesebuwa be aba ati, “Mbaghambiiye majima, nimwabaaye mu̱hi̱ki̱li̱i̱je, mutaakughuluka-ghu̱lu̱ki̱ya, takili kya kulaghila kiti nkyoma eki kyonkaha mukugubha kukola bbaa. Bhaatu dhee mukugubha kughila mwena oghu muti, ‘Odhuulike haala weesimbe mu nanja!’ Niikuwo kikaakuba.

Bantu abaaghendi̱ye hamui naye banji bamuhikiiye na banji bamu̱ti̱ghaaye enu̱ma, baatandika kugola bati, “Ooyee! Asi̱i̱mu̱we Muusukulu wa Dhau̱dhi̱! Ali na mu̱gi̱sa oni oghu aasi̱ye mu li̱i̱na lya Mukama! Ooyee! Asi̱i̱mu̱we Mukama wa eghulu munu!”

Aabaghila ati, “Kihandi̱i̱ku̱u̱we ngu, ‘Numba yanje balaghighilaghamu numba ya kusabilamu,’ bhaatu enu̱we mwaghifooye ki̱i̱kalo kya basuma.”

“Oghambile bantu baa Sayu̱u̱ni̱ oti, ‘Mulole, mukama waanu niibuwo aasa, ni mu̱dhooti̱, aani̱i̱ni̱ye kyana kya ndogooi̱.’ ”

Niibuwo Yesu aabaghi̱li̱ye ati, “Kini tamukakisomagha mu Ebyahandi̱i̱ku̱u̱we hambali ki̱ghi̱li̱ye kiti, “ ‘Ebaale eli bakweli̱ baabhengi̱ye, niiliyo lyahaghi̱ki̱ye numba kusaali̱ya ghanji ghoona. Eki Mukama eenini niiye akakikola, kandi kyatuswekani̱li̱ya kimui’?

“Nahabweki mbaghambiiye nti bu̱lemi̱ bwa Luhanga bukubaahibuwo kandi buheebuwe bantu abakwete kukola ebi Luhanga abbali̱ye. [