Populære bibelvers fra Sant Ian 14

Del

Lezel a ran ar peoc’h ganeoc’h; rei a ran deoc’h va feoc’h; n’hen roan ket deoc’h evel ma ro ar bed. Na vezit ket troublet ho calon, ha bezit heb aoun.

Jesus a lavaraz dezhan: Me eo an hent, ar wirionez hag ar vuez; den na zeu d’an Tad nemed dreizoun.

Na lezit ket ho calon da veza troublet; credi a rit en Doue, credit ive enoun‐me.

Mes ar C’honsolator, ar Spered‐Santel, a vezo digasset gant an Tad em hano, hennes a zesko deoc’h pep tra, hag a rai deoc’h kaoud memor euz an holl draou em euz lavaret deoc’h.

An hini hen deuz va gourc’hemenou hag a vir anezhe, hennes eo a gar ac’hanoun; hag an hini a gar ac’hanoun a vezo karet gant va Zad, ha me a garo anezhan, hag en em roin da anaoud dezhan.

Ha me a bedo an Tad, hag hen a roio deoc’h eur C’honsolator all, evit choum ganeoc’h da viken, ar Spered a wirionez, ha na hell ket ar bed hen receo, abalamour ne vel ket anezhan ha ne anavez ket anezhan; mes c’houi a anavez anezhan, rag hen a choum ganeoc’h, hag e vezo enoc’h.

Ha petra‐benag a c’houlennot em hano, me hen graio, evit ma vezo glorifiet an Tad er Mab. Mar goulennit eun dra‐benag em hano, me a raio anezhan.

Mar karit ac’hanoun, mirit va gourc’hemenou.

Bez’ ez euz meur a choumach en ti va Zad; ma na vije ket, em bije hen lavaret deoc’h. Me a ia da brepari eur plas deoc’h.

Ha pa vezin eat ac’halen, ha pa em bezo preparet eur plas deoc’h, me a zeuio adare d’ho kerc’had, evit ma viot c’houi el leac’h ma vezin‐me.

Thomas a lavaraz dezhan: Aotrou, na ouzomp ket pe leac’h ez ez; ha penaos e c’hellomp‐ni gouzoud an hent?