Populære bibelvers fra Ko fɔlɔfɔlɛ 6

Del

Alatala nimisata adamadeŋɛ da koe la duge kunma. Wo ka a juse tɔɔrɔ han.

Alatala ka a yen, adamadeŋɛ la ko koron ma bata koloya duge kunma. A ka a yen, tɛmuɛ bɛ fenfen bele adamadeŋɛ juse tɔ, fɔ mira koroŋɛ.

Kɔnɔ, Nuha kan diyata Alatala ye.

Nuha bɔnsɛ la tarigu le ka. Nuha dɔrɔn de mu mɔgɔ telendeŋɛ la adamadeŋɛnu bɛ tɛma, fenfen bele a la. A be sɔren Ala la kila kɔma.

Alatala ka a hanige, a ko: «N ka mɔgɛ minnu da, n si wonu bɛ halagi le anu ni ban duge kunma. Mɔgɛnu yo, bubufeŋɛnu yo, kolofeŋɛnu yo, kondeŋɛnu minnu be kantɔ yo, a bɛ si halagi, bayi n bata nimisa anu da koe la.»

Mɔgɛnu to fɔlɔta siyala duge kunma, anu be den musereŋɛnu sɔtɔla, Ala la maleka koroŋɛnu ka anu ɲa sɔ wo den musereŋɛnu la, anu ka a yen wonu bɛnta han. Minnu diyata anu ye, anu ka wonu jigan anu ka anu ma anu la musenu la. Wo kɔma, Alatala ka a fɔ: «N ka n na fɔɲɔ balunɛŋɛ ladon mɔgɛnu tɔ, kɔnɔ n te sɔn a ni mɛ anu tɔ bitugun, bayi fenfen ma mɔgɛ la, fɔ bannɛŋɛ. A la simaya bɛ labɛndeŋɛ mu san kɛmɛ san mugan de la.» Ala la maleka koroŋɛnu keta mɔgɛnu la den musereŋɛnu ma tɛmuɛ min tɔ, wonu ka deŋɛnu sɔtɔ anu ye. Wo deŋɛnu mata mɔgɔ kayanma la duge kunma. Wagati donu tanbireŋɛ kɔma wonu mata mɔgɔ sɛnbɛmanu la, anu tɔgɛ bɔɔta han.

Awa, Nuha ka a ma ɲɔgɔnna le. A ka a bɛ ma, iko Ala ka a yamɔri ki min na.

Wo butɔ, Ala ka a fɔ Nuha ye, a ko: «N bata a hanige adamadeŋɛ bɛ ni halagi n bolo, bayi kanbɛlɛya bata to anu bolo han ka duge lafa ko koroŋɛ la. N be diren anu bɛ tiɲala dunuya.

Awa, taga lɔgɔ ɲinma fɛlɛ i ni kulun banba banban i fan ye. I ni konkenu to a butɔ. I ni a butɔ nun a kɔma furugu dolo je la.

Ala ka a yen duge bata tiɲa ko koroŋɛ la, bayi mɔgɛ bɛ la wale bata tabɛn ko koron ma le ma, han anu ka a dan natanbi.

I ni nilama mɔɔle bɛ fila fila ladon i fɛ kulun banba butɔ, kayi nun musu. Wolo mu wonu si kisi i fɛ.