Populære bibelvers fra Matthieu 5

Del

Dooudjé ounda pourou lampe té ta kounda kö karè té ang, dounda dò kake té ke tarr ta kare ndokoo dèdè toï ke mè kei té. Aridjé lokarè losè ndokoo kem dooudjé té, baa ta karedè do koula ke madji losè, ke ta kòsou gadji Bòsésè ke éh dara.

Sésè etoidjé to lokarè ke nange nèn. Béh ke dò err té a kiyaa rè pi.

Madji éh kedè, dèdè ke mèdè ndaa kaï, mbata dèdè da ko Allah.

Madji éh kedè, dèdè ke boo ke kounda dadè mbata tar ke gaté gaté, mbata mèdè a ndan.

A ma mpa maresè, ndikidjé ndjè kembaadjé losè, edoudjidjé Allah mbata dèdè ke ngäsè ke tar.

Madji éh kedè, dèdè ke nto dangetédjé deo ndil té, mbata béh kö ke dara to mbata lodè.

Madji éh kedè, dèdè ke nto ndjè moso tar, mbata dabardè ngandjé lo Allah.

Madji éh kedè, dèdè ke nnò ke ongou, mbata dèdè da kisi ke mè woul.

Madji éh kedè, dèdè ke ngädè ke tar mbata tar ke gaté gaté, mbata béh kö ke dara to mbata lodè.

Madji éh kedè, dèdè ke nda mè madji, mbata dèdè da kinga mè madji.

Madji éh kesè tokou dooudjé tadjisè ke ngäsè ke tar, ke ngange tar ngem ke madjang dang dang dòsè té mbata tar lom. Ekoukidjé, isidjé ke rònèl nya, mbata kouka losè éh dara tokou bo, mbata tokou ban dooudjé ngà prophètedjé ke tar ke éh dongor kèté aresè.

Madji éh kedè, dèdè ke mèdè to dèkèkè, mbata dèdè da kinga nange nèn to né ndouba.

Sésè etoidjé to katé ke nange nèn, a tokou katé nèl ang a da karè ntél nèl to di wa? Nè nto madji mbata né kada ang, a ta kongou koro ke ta kare dooudjé mbòï ke gòldè.

Tokou ban, ase kare sésè edéidjé madji toï deo kadaba tokou Bòsésè ke dara to madji toï.

Ase kare tar ke sésè epaidjé to tar aä aséh eë, mare tar wota yéh ke nèn to lo ndjè kembaa.

Sésè woidjé ke dèdè mpa leo, Kem mbata kem, ngange mbata ngange. A ma mpa maresè, mbetidjé doou ke madjang ang. A tokou doou kada oundai kambòri ke kòl, etourou marè arè tò.

Tokou kemi ke kòl eri ta kari da madjang, etò kemi ke dang, ilè deo eo sei, to madji wota mbata loi tokou barkem ròi kada a nai, wota ta kare dila ròi toï loou kem pourou té. Tokou dji ke kòl eri ta kari da madjang, egangè, ilè deo eo sei, to madji wota mbata loi tokou barkem ròi kada a nai, wota ta kare ròi toï ao loou kem pourou té.