Populære bibelvers fra Matius 14

Del

Nebeibe nauwala ruwae erewolene buhae hokoungeboke bae nauwa ruwambonde wanen hubawoungene kaenele, “Tuhan, rare hakoisobo!” Na hibi hele Yesus na me nekeunge, ikileungeboke wa weunge, “Petrus, rahene kena wauwau koyae. Wa hila rabo kalo molotene?”

Nebeibe nauwala ruwae erewolene buhae hokoungeboke bae nauwa ruwambonde wanen hubawoungene kaenele, “Tuhan, rare hakoisobo!”

Nebeibe Yesus yae weumi, “Hilembo. Reyae yae fe waku okoijae.”

Petrus yae weunge, “Weyae na hele Yesusna, rare weise bu randa waei bokore ere.” Yesus yae weunge, “Meinye.” Petrus nebei kai eisa bu ranne owakouboke aloungekoke Yesusle bokore eke.

Kai einya yo Yesusre ei molowainye wa elate, “Nana hesele Weyae Allahle Kelu.”

Nebeibe Yesus yae weumi, “Nda yo rahe londe wemmile enatere? Mayae raman yemmile anenaikonde.” Na moisa orowate yo yae wainye, “Feu maehae mbai ka bee nebei mo maeinye honaime.”

Yesus yae weumi, “Raei bokore yarongko men.” Nebeisa nda ro miyae helen ukeumi angken mae mo ke ranne raiboke. Nebei feu maehae mbai ka bee belere mo yaroukoke, be bumare weuweke, Allahre helen foise mo ukeunge, nebei feu kaiwole, na moisa orowate yore iwoumi, nebei ro miyae helende wahewaimi.

Hokoumeke yo nanemene anaikoke uwa raeiboke. Nebeisa Yesus na moisa orowate yo raman kalun arilaisike kakali me bee oro nen bee bele maemae kaikoke.