Populære bibelvers fra Baɗitari 13

Del

Kamnyar shanga tsəɗi tə gə wutə ni, I ata na ala ga, ka tsa ndzi ar nga kəga kəkayeri ar nga har ba saka madi.

Aghəla tə Ibram ku ndəkəmtadzi ka Lot, antə MTHLAKU pəla aka Ibram abbər, “Akwa vəi tə ga ata ni, haptə nca ga kara wul təbwar yala ka təbwar anəm, ka təbwar raghəi ka təbwar ramta.

I ata namtə kəkayeri ar nga ka da ndzi hang apa bərbər ata di, antə har ma mda aɗi na ata mzhi jikatə bərbər, to tsa ata mzhi jikatə kəkayeri ar nga.

Antə Ibram pəla aka Lot, “Aɗi kalkal ka beɗi wutədzi akwa daɓwa mwa wa, wala akwa daɓwa mjir ɓəlar nga ka mjir ɓəlar na wa, kamnyar mwa mji ka ɓzərma'ni.

Antə apani Ibram ku thlatə ka ɗuwa, kara ndzəndzi adzə kuɓər nfur ok ar Mamre akwa Hebron. Antə tsa ku həntə bagaɗi anda aka MTHLAKU.

Antə Lot haptə ncari, ka wuta abbər shanga bəbal kuta Mular Jodan har ka mwanta abwar Zowar ni ka yimi hang, apa Gadinar Eden tə MTHLAKU hara ni, tsu apa tsəɗi Masar kasha. Su ngəni hara ni akəmata MTHLAKU ashamta bərni Sodom ka Gomora.