Populære bibelvers fra Yahwana 7

Del

Kəlara mdə na ku hamta jiri ali, ‘Thlyaghayeri ar yimər mpika ata sə hwi səɓəla akwa ɗəffari,’ tsu apa tə kakaɗər Hyel ku pəla ni.”

Akwa vir kurər kucali na an vir na ol ni, antə Yesu thləthlatə ka haptə kurakari akwa pəla, “Kəlara mdə na ka thlili, ka tsa si adzə ra, ka tsa sa yimi.

Amma Yesu akwa gari ata kəra Mambələr Hyel natə mji na ku hamta jiri alari ata sə dluwari. Kamnyar ata saka nda mda aɗi hamta Mambəl ni katagu wa, kamnyar mda aɗi haptə səliyir Yesu katagu wa.

Giri aɗiya hara shariya aka mda ata kəra laku tə giri wutə ni akwa wa, amma ka giri hara shariya na kalkalari.”

Kamnyar mdə na akwa gari na ar kərari akwa bara thləm aka kərari. Amma mdə na akwa bara thləm aka mdə na thlentə ni, tsa an ka jirkur, antə tsa aɗi ana thlandər wa.

Antə Yesu shinau ala ɗa ka pəla, “Su tə I akwa thlipari ni, aɗi surthlipa na ar kəri wa, amma ar mdə na thlentə ra.

Ar giri duniya amzhi nggəlar giri wa, amma arna tsa ku nggəlar ra, kamnyar tə I ana pəla alari abbər surhararni aɗi ɓɗaku wa.