Populære bibelvers fra Mat 5

Del

Ɛ́ sɛɛ chəke kekaaken, ghàà ɛ́ kfəəse ɛyshaa nkaa; ɛ́ chəke, ɛ́ tom nɛ lu ɛ ketuu ketatan ka ke yɛ nɛɛy nɛ wel əbjim ɛ ndaa kiile ɛyban. Ghɛn yɛ nɛɛy əbnəə əbjuŋe kɛn ɛ jii nɛ̂ ghan ka ghele yɛ yɛn me kokse Ba ə wɛn wɛ əb luun ɛ ɛyyio.

Ghɛn lu ɛybane yɛ́ mbii. Ntɛk lu ɛ kfən, é ɛy jia yɛ lɛynen.

Ke lu kejuŋ se ghel ghɛ tetem ə ghene laanen, bek ge ghene náà yɛn Feyin.

Ke lu kejuŋ se ghel ghɛ yafen jeŋ se yɛ nɛɛye kenəə kɛ Feyine kɛŋen, bek ge Feyine náà nɛɛy é ghene yɛ lu ɛkulen.

Mɛ me se suuy se ghɛn ge: Ghɛn yɛ koŋe ghele əbbaanese nə ghɛn, jeme se ghel ghɛ ɛ́ nəksen ghɛn

Ke lu kejuŋ se ghel ghɛ ɛ́ tanen se keyioy, bek ge ɛysak əbfon ɛyyio lu yɛ́ ghene.

Ke lu kejuŋ se ghel ghɛ ɛ́ nɛɛyen ge ghele yɛ chii nɛ̀ əmnyiaŋe, bek ge ɛ́ náà yɛ toŋte ghene ge ghon ə Feyin.

Ke lu kejuŋ se ghel ghɛ ɛ́ diyen, bek ge Feyine náà chəmsen ghene.

Ke lu kejuŋ se ghel ghɛ ɛ́ nəksen ghene ge yi ka ɛ́ nɛɛyen kenəə kɛ Feyine kɛŋen, bek ge Feyine náà yɛ lu əbfon ə ghen.

Ke lu kejuŋ se ghel ghɛ ɛ́ koosen ɛysen, bek ge Feyine náà koosen ɛysen se ghene.

Ke lu kejuŋ se ghɛn ɛ lefɛ ghele tɛylen ghɛn, nəkse ghɛn, gese toye əbnəə ɛ ghɛn əbghun ɛ jiise ɛ jiise bek mɛ. Ghɛn yɛ saŋle gese chɛklee, bek ge əbmakte ə wɛne lu náà se ɛydio ɛyyio. Lu sɛy ka ɛ́ nè nəksen ghele ntum nə Feyine ghɛ ɛ́ nè shiin se mbiy se ghen.

Ke lu kejuŋ se ghel ghɛ ɛ́ liɛn ngeŋse ghen ɛ ntiɛ, bek ge ghene náà yiɛ ketuu ntiɛ.

Ghɛn lu ɛ mbi fɛn ka fengwaŋe lu ɛ mbas. Fengwaŋe lòò è jia yɛ lem, fene jii wiy yɛ lòó ɛ́ nɛɛy é fe kase yɛ lem. Ɛyfɛle tene jia bo yɛ lu chia kɛn ge ɛ́ səs ɛ bɛy é ghele yɛ chia ɛ ten nɛ̀ ɛvəə.

Ghɛn lu se yɛ nɛɛye əbnəə əbjim ɛ titiy kɛn ka Ba ə wɛn wɛ əb luun ɛ ɛyyio nɛɛyen.

Wele yɛ beeme kenəə, yɛ lu nɛ əb bééme beemen, è tun yɛ lu nɛ əb tun tunen. Kenəə gise se ten fene ke lòò se Satan.

Ghɛn yiomen ka ɛ́ nè suuy ge: Wel soo ɛyshiɛ ə yiɛ, wɛ̀ soo yɛ wene. Wele tɛl wɛ̀ è chok ɛyshoŋ, wɛ̀ tɛl sɛy wen è chok ɛyshoŋ. Mɛ me suuye se ghɛn ge: Wel nɛɛy mbee se wɛ̀, ghàà wɛ̀ seese nɛ̀ mbee. Wele tɛl wɛ̀ ɛ kegiɛke kɛ́ əbkoy əbtaa, wɛ̀ bense kelee əb mɛyse è tɛl.

Loo lu ɛyshiɛ ə yiɛ yɛ əbkoy əbtaa yɛ lobte wɛ̀ ge wɛ̀ nɛɛy mbee, wɛ̀ chok è maay. Ke jofe ge wɛ̀ lɛy ɛybee əbghun nə wɛ̀ ɛylee chia ka ɛ́ mak wɛ̀ se kemboo əbvəs. Loo lu əbkoy ə viɛ əbtaa yɛ lobte wɛ̀ ge wɛ nɛɛy mbee, wɛ̀ ten è maay. Ke jofe ge wɛ̀ lɛy ɛybee əbghun nə wɛ̀ ɛylee chia ka əbghun ə viɛ əbjim náà ndu ɛ kemboo əbvəs.