Populære bibelvers fra Gha ta Wəshi 37

Del

Ma te kwete hɛ ne, pa Zhozɛf shiwəte shiwə. Pa ŋkɛ gezete nda shiwəa shɛ ke ŋwalea yitenyɛ, nyi keɗema ntsə ta ŋkɛ za ma zhɛkwa.

Kwele ma ɗehwe Zhozɛf Zhakob ke kweci ŋwalea ŋkɛ, va nya nza ŋkɛ mbe meha yake ŋkɛ ŋkɛ. Pa ŋkɛ slate nda lekwesa ganyɛ kwa verezlɛzlɛ.

Newe ke ŋwalea yitenyɛ ne, za ma Zhozɛf ɗehwe ŋkɛ ke hɛ pɛtɛ. Ntake hɛ kazlɛ ve kwele kwele ba'a kaɗema geze nda ghena zeɗe.

Pa Zhozɛf shiwəte kwete shiwə, pa ŋkɛ gezete nda ke ka kesaka yitenyɛ, ma ke: «Nahe 'ya keshiwəte kwete shiwə zhɛkwa: ma newe 'ya ne, kase veci, tere ba'a saseregwa meŋe kwetɛŋeghəmbe kagwəɗəŋə yitea hwəa ɗa.»

Kazhɛ nda zlɛ ke ŋwalea yitenyɛ ve, ama mbe zəzə shiwəa shɛ yitenyɛ.

Ma ke sha hɛ: «Fatema mə shiwə nya shiwəte 'ya gi: Kahwepe ha gheɓəmə hwa ɓeleve hɛ gheɓəmə kwamte mbe wəve kanewe 'ya, te ŋkwa shɛnyɛ ne, slete ŋa ɗa sletenyɛ, pa pɛtɛa ŋa ŋayɛ dzaslete ŋkɛ ba'a gwəɗəŋənji yite.»

Tsetsenya ne, nde mə, peslekɛ ɓəmə ŋkɛ shɛ mə negheyi ŋkɛ kwa belageji. Kategeze gheɓəmə nahe wəsə nya hwa gamba kempeɗehwe ŋkɛ, nda newe gheɓəmə tsema tsema tenza shiwəa ŋkɛ.»

Ama pa ka Madiyan nyi kemene fəli dzeghwake dzeghwa ta nci ba'a kelakame Zhozɛf same kwa belageji. Pa hɛ pamte nda ŋkɛ ke ka Ismayɛl kadəɓərəa mze kwa tɛawetɛa bakemsə, pa mbelia shɛhɛ keleghe Zhozɛf kajive Ɛzhipte.

Ma ke hɛ kwelɛ ghəa nci: «Wa nya nde shiwə nya kase!

Nda tentsehe ŋkɛ sha hɛ ne, nahe hɛ kenakɛ ŋkɛ cakeɗake, pa hɛ tsahwe ghena kezha pesle ŋkɛ.

Ma ke sha hɛ zhɛkwa: «Peslema wəndə yɛ ma. Negheyi mə ŋkɛ kwa belageji nya te ɓerama nya ɓetəkə, mba yɛ kedɛape dzeve te.» Kezha mbelemte ŋkɛ shave mbe dzeve ta nci ba'a kezha keleghe nda ŋkɛ ke yitenyɛ nda gezete ŋkɛ kala nyagha.