Populære bibelvers fra Mark 10

Del

Heċeḣci, oyate ki mayataƞpi kta ċa wahi ṡni eyaṡ oyate ki etkiya micʹicʹu kta uƞ Ikce Wiċaṡaya wahi. Ṫawowaḣtani wokakije hetaƞhaƞ niwiċawayiƞ kta uƞ wahi yelo,” eye.

Jesus lila awiċayuta na heye, “Wiċaṡa ki okihipi ṡni eyaṡ Wak̇aƞṫaƞka eċela okihi. Taku keyaṡ okihi yelo.”

“Gla yo!” Jesus ekiye. “Wowicala nitawa uƞ anicisni yelo.” Waƞċok tuƞwiƞ na waƞyaƞke ċa Jesus ihakab mani ye.

Wak̇aƞṫaƞka lena wiċayuwanjila ki heun wiċaṡa na wiƞyaƞ ki kakiniyuk̇aƞ iyayapi okihipi ṡni.”

Jesus owoṫaƞla uƞṡilaka ognayaƞ ayuta na hekiye, “Taku waƞjila yaċiƞ yelo. Iyayiƞ na taku luha ki hena wiyoṗeyiƞ na uƞṡika ki hena mazaska ki wiċakʹu wo, kihaƞ maḣpiyata woohiye nicʹiċaġiƞ ktelo. Na hehaƞl mihakab yau ktelo.”

“Takuƞl eċaċiċuƞ yaċiƞ hwo?” Jesus ekiye. “Iṫaƞċaƞ! Iṡtamaġuƞġa ki le amakisni waċiƞ yelo,” ekiye.

Eyaṡ niye heċuƞpi ṡni yo. Tuwe waƞji oyate ki oiṫaƞċaƞ niċʹiyapi haƞtaƞṡ, uƞṡiicʹiya awaƞwiċaglakapo.

Le kiksuyapo. Tuweke eyaṡ maḣpiya wokiċuƞze el wak̇aƞyeja sʹe uƞ ṡni ehaƞtaƞṡ, tuweni maḣpiyata ya okihi kte ṡni.”

Eyaṡ tona lehaƞl wana ṫokahepi ki hena ehakelapi kte na ehakepi ki hena ṫokahepi kte.”

Eyaṡ oṫokahe hehaƞ, taku ki iyuha kaġe hehaƞ, Wak̇aƞṫaƞka wiċaṡa ki na wiƞyaƞ ki wiċakaġe, Wowapi-wak̇aƞ el owapi ċa heċetu. Heċauƞ wiċaṡa ki huƞku na atkuku awiċayuṡtaƞ na e ṫawicu ki kiċi uƞ. Heċuƞpi ki uƞ he waƞjilapi kte, ho ċa heuƞ nupapi ṡni eyaṡ waƞjilapi.