Populære bibelvers fra Akisy. 12

Del

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu. Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Abu Ekapolon tolimok Aburam tema, “Toesik akwap kon ka ŋituŋa kon ta ŋulu ke ekal a papa kon; tolot nakwap ŋina eketoodikini ayoŋ iyoŋ.

Torotok nai Aburam lopite ŋolo alimokinitor Ekapolon iŋes; torukosi iŋes ka Lot. Arae ŋikaru ka Aburam ŋatomonikanikaarei ka ŋikan apaki ŋina awuotokinia iŋes alo Aran.

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.