Populære bibelvers fra Akisy. 39

Del

Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit.

Inak Potipar Yosepu akidar ŋiboro daadaŋ, nyemitakiŋes idio bore, mati akimuj keŋ bon. Ebus Yosepu alopite a ŋolo ayakar ka atakania akuwan keŋ.

Inak ŋolo apolokinit ŋimabus Yosepu akidar ŋimabus ŋuluce daadaŋ ŋulu aya mabus, ido ibore daadaŋ ŋini etiya a nen, arae Yosepu apolokinit.

Ya ekapolon Yosepu, kiwuak mabus nakibois ŋina aenitere ŋimabus a erwosit; kiboi Yosepu alomabus. Nai arukito Ekapolon ka Yosepu, kitoodik Ekapolon iŋes amina ŋina nyiryaŋiryaŋa, inak iŋes tojokyar alokiŋaren ŋolo apolokinit ŋimabus.

Kelunyar apaki adio, kiŋolik aberu a ekapolon a Yosepu, Yosepu tema, “Eryamakinos ka ayoŋ.” Nai towou Yosepu, tolimok aberu a ekapolon keŋ tema, “Kiira, nyeriŋa ekapolon kaŋ emitakinit akiit ŋiboro ŋulu ayakar ayoŋ kai, akainaki iŋes ayoŋ akidar ŋiboro keŋ daadaŋ. Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

Ani nai akoloŋit apei elosi Yosepu kai akitiya etic keŋ, apaki ŋina amamukar ituŋanan ice ayai kai, kikama aberu a Potipar Yosepu totiŋ elou tema neni a Yosepu, “Eryamakinos ka ayoŋ.” Nai tonapar Yosepu kiŋa, kimyek elou keŋ anakan a aberu a Potipar.