Populære bibelvers fra Shiyanso 13

Del

Kwa kiiva inyi yoona iyi yina ukiyaaga, nikhakupeela owe nu lusawo lwakho, yive yeenyu shiluta.

ULooti nu Abulaamu vaganaga kibagunkhana, uMutwa uNguluvi wámujovelaga uAbulaamu wáaja, “Apo pina ukwali, yiima uloleele imbali soona, kunyagamo, kunena, kunyiikho na kusikha.

Ulusawo lwakho nikhaluyoolosa luve lukhome ngaja luhankha luna lusivasikha! Umuunu nda akwiliile kiluvasa uluhankha, ulusawo lwakho loope asiluvase.

UAbulaamu wáganile kiwona ndeeno, baheene wámujovela uLooti wáaja, “Miyaa, tisikhayansaaga kidalinkhana ose awu avadimaaji veesu, kiiva tili lukholo.

Baheene uAbulaamu wálihaamya ilitinga lyakwe, wáaluta kikhala kulubali lwa mapishi amatali aga mwalooni, gina gali ku Mamule, nkholeela ni lijumbi lya Hebuloni. Ukho wámusenjela uNguluvi uluvala ulwa kihumisa ishadanda.

ULooti wáganaga kiyiima na kiloleela kwa kutali, baheene wályaga ilifunkho lyona ilya mukhoga ugwa Yolodani, mbakha ilijumbi ilya Sowaali. Wályaga lina malenga minshi, ngaja inyi iya Misili na mu shiisi sha Edeni. Uluhaavi ulo, uMutwa uNguluvi akhandi asinagananje amajumbi ga Sodoma ni Gomola.