Populære bibelvers fra Shiyanso 32

Del

Umuunu yula wámujovela, “Ilitaawa lyakho usikhashemeelwa Yaakobo khanji, leelo ilitaawa lyakho ukhava wishemeelwa Isilaheli, kwa kiiva waalwa nu Nguluvi na vaanu, na yuuwe wáamena.”

Baheene umuunu uyo wámujovela uYaakobo wáaja, “Nileshela, niwuushe kwa kiiva kuhenga kunena.” Leelo, uYaakobo wámujovela, “Nisikikuleshela ngʼo, mbakha uniyimiilile!”

Leelo, uYaakobo wásigala mwene duguli ku litinga. Lino, umuunu yumonga wáyinsa kiilwa nawo kwa lupaso mbakha pina kuhenga kunena.

Baheene uYaakobo wáaja, “Namwaga uNguluvi kwa meeho leelo nisifwile.” Kwa kiiva ya ilyo, uluvala ulo wálushemeela Penuweli.

Wáganile kiwona kiija asikwiliile kimumena uYaakobo, baheene wámutova uYaakobo pa shinyungʼunyu. Apo ishinyungʼunyu sha Yaakobo shategukha pina akhandi imenana nu muunu yula.

Umuunu yula wámuposa uYaakobo, “Ilitaawa lyakho yuuwe naani?” Woope wámujovela, “Yuune Yaakobo.”

Baheene uYaakobo wámuposa wáaja, “Nilomba, unijovele ilitaawa lyakho.” Leelo, umuunu yula wámujovela, “Kwashi ukiniposa ilitaawa lyangu?” Baheene wámuyimiilila uYaakobo.

One ni muvanda waakho nisikwiliile kigahilwa hata padoodo, uwunofu uwu wuna wanigahila. Nalowokhaga umukhoga gwa Yolodani nu lukwegu hela, leelo lino ninafyo fipuga fivili.

Lulwene, mbakha iminsiyaano aVaisilaheli vasiilya ulukhole lwa shinyungʼunyu sha nyama, kwa kiiva uNguluvi wámutegulaga uYaakobo ishinyungʼunyu.

Baheene uYaakobo wámufuunya uNguluvi wáaja, “Wee Nguluvi wa mbuya uAbulahamu, uli Nguluvi wa daada wangu uIsaaka, yuna wánijovelaga one kiija, ‘Wuya kunyeenyu kwa valukholo lwakho, one nisikuyimiilile.’

Nikikulomba unikuluse kiyalushilwa nu muvaha wangu uEsawu, kiiva nitiila kiija, umwene hambi iyinsa kiniyalushila, na kitubuda lumo na vashimaayi na vanangu.