Populære bibelvers fra Shiyanso 39

Del

UMutwa uNguluvi wáava nu Yusufu. Woope uYusufu wásingamala na kikhala wunofu mandu nu Mumisili, umunya lijumbi waakwe.

Ndeeno, uPotifa wámuleshela uYusufu ayimiilile shila shiinu, uPotifa wáava iyangalila shi shakiilya shaakwe hela. UYusufu akhandi mudiimi munofu mandu.

Ndeeno, umukhome wa shifungo wámuviikha uYusufu ave mukhome wa vadindilwa woona na kiyimiilila goona gina gakhandi giigahwa mu shifungo umo.

Ndeeno wámukhata uYusufu, wámudindila mu shifungo, muna vakhandi vadindiilwe avadindilwa avanji woona ava mutwa. Leelo uMutwa uNguluvi wáava lumo nu Yusufu, wámusungupila mbakha wáhonsa umukhome wa shifungo, wámugahila amanofu.

Insiku saganile kishila, umudala wa Potifa wámugana mandu uYusufu, baheene wámujovela, “Gona noone!” Leelo, uYusufu wákhaana, kuno ikimujovela, “Puliisa, umutwa wangu asihiiva shiinu shoshoona isha pakhaaya apa, shila shiinu shina anasho, anilesheele niyangalilaje. Pakhaaya panu, kusiina uyunji umukhome kinishila one. Khanji asinikhaanile kigaha shiinu shoshoona panyaakwe panu, leelo owe hela, kwa kiiva owe uli mudala waakwe. Nikwiliile wuli kigaha uwuvi uwo, nimunanjile uNguluvi?”

Lino ilijuva limonga, uYusufu wáhuluta mukhati kisenga insengo yaakwe, apo pakhaaya pasikhandi na vavanda avanji. Baheene umudala wa Potifa wámukhata uYusufu inkhansu yaakwe, wámujovela, “Gona noone!” Leelo uYusufu wámupulumukha, wáyilekha inkhansu mu mawokho gaakwe, wásijila kunja.