Populære bibelvers fra Shiyanso 50

Del

Omwe mukhandi mugulumiile kinigahila uwuvi, leelo uNguluvi wágulumilaga amanofu, kiija avaanu vinshi vave wuumi ngaja shina mukivaaga iminsiyaano.

Leelo, uYusufu wávajovela, “Musikhatiilaji! One nisili Nguluvi.

Lino, musikhatiilaji. One nisivapeele ishakiilya omwe na vaneenyu.” Baheene wálogola nawo wunofu, vashendeeva.

‘Mumujovelaje uYusufu ndeeni, nilomba uvasaajile avamaamo uwuvi woona wuna vakugahilaga.’ Lino tikikulomba utusaajile ose ti vavanda va Nguluvi wa wiiho.” UYusufu wáganile kipulikha imola iso, wákhoola.

UYusufu wávajovela avalukholo lwakwe, “One nili nkholeela kiifwa. Leelo shiyooli uNguluvi asiyinse kivatanga. Asivahumye inyi iyi na kivatwala inyi yina akhandi avatahiise uAbulahamu, uIsaaka nu Yaakobo.”

UYusufu wáyiyiiga kwa vaana va Isilaheli wáajova, “Shiyooli, uNguluvi akhayinsa kivatanga. Musikhajelaga kilekha amafupa gangu kuno, mulutaje nago.”

Baheene uYusufu wáafwa, akhandi ana maakha ligana limo ni lishumi (110). Umuvili gwakwe gwasusuutwa umugoda gwa mafuta kiija gusikhawolaga, vamuviikha mu lisandikho ilya kimusiilila.