Populære bibelvers fra Mataayo 16

Del

Baheene uYeesu wávajovela avamanyisiwa vaakwe wáaja, “Umuunu yoyoona nda isakula kinifwata one, aleshe gina agadobweshe, ayihumye anifwate hata nda yive kiifwa.

One nikikujovela kiija, owe yuuwe Petulo, yuuwe lipaama, na pashaanya ya lipaama ili, nikhashisenga ishipuga sha vahuvililaaji vangu. Ingufu isa mfwa sisikhashimena kaa.

One nisikupeele ifungulo isa Wutwa wa Nguluvi, baheene goona gina usigadinde mu nyi iyi, uNguluvi asigadinde hata kushaanya. Khanji goona gina usigadindule mu nyi iyi, uNguluvi woope asigadindule hata kushaanya.”

Kiiva, umuunu yoyoona yuna isakula kiwusaajila uwuumi waakwe, uyo akhawuyasa. Leelo umuunu yoyoona yuna ikiwuyasa uwuumi waakwe kwa kiiva ya one, uyo asiwupate uwuumi wa shiluta.

Lino umuunu akhayambulila shishi kipata uwusi woona wa nyi, na kiwuyasa uwuumi wa shiluta? Lino, umuunu ahumye shishi kipyanisa uwuumi waakwe? Kusiina shiinu shoshoona.

UYeesu wávaposa khanji wáaja, “Omwe mwijova one yuune naani?” USimoni Petulo wámugomosesa wáaja, “Owe yuuwe Mukulusaaji yuna uNguluvi wátahisaaga kimufilikha. Owe yuuwe Lusawo lwa Nguluvi, yuna muumi.”

UYeesu wámujovela wáaja, “Uyimiliilwe owe Simoni lusawo lwa Yoona, kwa kiiva kusiina umuunu yuna wákugubutulila ago, leelo yu Daada wangu yuna ali kushaanya.