Populære bibelvers fra Matius 8

Del

Yesus ga balbabili, “Aam je bafa erne game? Aamei Ai Ase bastantowaifer ima tebana.” Jepga Jei ga irwena, jewer ga deye yo fobogana ga ofsobana, ane deye ga aane tikwebana, ane foboga jafner fala.

Angtane sanbaka 100 ginanggwamana jeiserem ga tamawolbana, “Wowo Uwa, Aamei sanbagiri, ai angtane Yahudimanyan ai bastantouya, jega jem temawer Aamei jena amnaiserem jep Ijam foroyan. Baabeta Imna unggwandwasusu, ane ai tousa afa Aamei jafner Is gunurum enggame, ‘Se waakenswe!’ tane taini amna jeiserem gase waakenswena.

Yesus Jei jame aa galap sarbilirim taterisi jeiserem, Jei ga bitbitwena. Yesus jepga balbabili angtane Jei aa jei ne onsobanaram, “Ai bunarsusfer ims towas-towastababili, angtane negeri Israelmana seyafter gemerserem jemniwer, Ai angtane afa gemerje ini jemna tabalaiserem afa Ajam damtamiyen angtane aas galserem, jei Ai As ginggitfer tebana.

Jewer ga Yesus angtane sanbaka 100 ginanggwamana jeiserem ga bala, “Se sofwe jenap! Aamei ijes taabilirim, jeiserem se etamwena.” Jes jeberserem tane taini jemna ga waakenswena.

Angtane jeiserem jei ga aa ge bitbitwebili, ane jei jena ga aane taanaaminenne enggame, “Angtane aaiserem bunarsusfer jei nansa? Deye yo muru taterisi ga Jemna gangge saribene!”