Populære bibelvers fra LUKAT 13

Del

“It apùnì apigat, kwe hamùlùkkwe kuogolùk walhogoin meneat he, mea asigin atì nen he, hit kwe hamùlùkkwe atì ba kuageip en he, hinomamerogo hagatì logoiho, ìlùk yogohisìkì lagì.

he aike mokareke oabùt weak mene a'la kìlìk logolìk aporoak motok nagauk ìlìk, higit hogo melasusak motok mea werek kolek, 18 tahun haga'lagaike mene aike atoma welagaike. Atoma were'ma, at Yesùt en, he a'nogo eileken lakhìlìk he, ane hakhasikomo wagaikomo re, mel yogosike: “Nerei e! Hat hoba ou en arat hano asigin. Hele hake homago welagen a'nogo, arat hikalame o,” ìlùk atì'nogo yogorìk he

eki sebelho kolek aremnogoat he, he a'nogo aporoak higit agaikomo, melagaikesik he, Ala hogorasike.

Mene re, lakhani! It apùnì o yogotak inetagewerek mene atì, hobuk inetage lek asigin o. Nen, it aike yogotak inetage lek werek mene atì hobuk inetagewerek asigin o,” ìlùk yogoisasike.

Nen, o atoma ap awì esewerek mene atì melarìk, kwe te'mek hogo yagatì logoumo re, hit eta'ma metek logolìk, kwe papagathìkì logolìk he, Noe! Nit kwe hù'nisan, ìlùk yogosugun meneat he, at en he, Hit hinebe an nokot o. Koma nen wagep, ìlùk yogohisikenem

Lek o. An nen hit yogohisak. Hit weak hagatì lagep mene atì, heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o,” ìlùk yogoisasike.

at en he, Hit o koma nen wagep. Hinebe an nokot o. Hit weak hagatesep mene noba ki wagùp. Atem enat pìkìt lani o, ìlùk yogohisegein werek o.

Atì'nogo akasukwama, at Yesùt en he, mel yogoisasike: “Ala nen awe a'ma hisikerek atì, nena hake. An nen nena mene oba lìrogo yogohisak,” ìlùk yogoisasikesik he, aike mel yogoisasike: “Ala nen awe a'ma hisikerek atì ebe re, kìbì-kìbì eken hake o. Ap aike nen kìbì-kìbì awì aike waganogo eyabumo heik lakhesikomo re, hulelhikesik he, ero e hake hùkoat haga'lagaikomo, sùe purogo nikerek mene nen eki tùalek oba awì wusi wagaike atì hakeat o,” ìlùk yogoisasike.