Populære bibelvers fra LUKAS 14

Del

‘‘Amat ulun lombut nokuh Ahku, tahpi io labih masi inaioh ata'ai amaioh, oruhoh, anakoh, konduang-konduangoh, malah aropoh bongoi, io eam dahpot monjadi murid-Ku.

Ulun ijo eam kani ngohtun sopolahkioh tutang ngohasurih Ahku, eam tou monjadi murid-Ku.

Tului nyinong ulun ijo ngondiang aropoh ahkan tongopinda, tahpi ijo ngopinda aropoh ahkan tongondiang.’’

Kolaiouoh hino Yesus nuhtui, ‘‘Kolourih ka'a umba ihkam, eam kani ihcobehti ka tahkan ihkam duon monjadi murid-Ku, amat io eam monongaoh kokaro-karooh.’’

Amat ihcobehti tahkan ihkam kani nombok ihcokobawak candi, botantu io ahkan tuot ngihtung houn, bolanjaoh mangat io ngota'an, inon duitoh suhkup ahkan pojadioh candi rih ata'ai eam. Tului amat nyahta eam duon pojadioh, podahar kahlangoh jari tonapa, mahka paring ulun ijo nohto ang konuai rih ahkan ngonjea io. Iro ahkan nuhtui, ‘Iih, ulun tuh mangun, tahpi eam duon mopojadi!’

Jadi, amat ihko nguan pesta, morawerih ulun porosbolum, ulun cahcat, ulun kaet-kehcang tutang ulun bobulen. Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

‘‘Tonyu rih pios, tahpi amat tonyu rih monjadi tawah duon kah ulun ngomohitoh huli? Eam anai gunai hino, pios ahkan umo oluka ahkan pupuk. Jadi tondian ih. Amat anai tolinga pios ngonihoh!’’