Populære bibelvers fra LUKAS 17

Del

Turus Yesus nuhtui umba ulun rih, ‘‘Hihkat beweu, tutang hihkasrih. Tului ihko porocaya umba Ahku, ihko pios.’’

Amat io bodusa umba ihko, pihtu tikat ihcoondou tutang nyinong tikat lombut nokuh 'ko, tutang nuhtui, ‘Ahku nyawot apun’, apunrih io.’’

Kotihka ihcobehti tahkan iro borondong ijo io jari pios io hoduli honong bososurak monara Pohotala. Turus ang tohimo Yesus, io suhkuntu'ut tutang ngohawot torimakasih umba Yesus. Ulun rih 'cobehti Samaria.

Tului orih rondo-rondong ih! Amat konduang'mu bodusa, ningak io. Amat io nyasal, ngapunrih io.

Pongohino Yesus nuhtui, ‘‘Eamkah sopulu behti ijo konopios? Ang umoh ijo sioi behti hino?

Tuhan mutah, ‘‘Amat ihkam anaingina koporocaya kohajon luang sosawi, ihkam duon nuhtui umba pu'un musai tuh, ‘Bosohpit ihko tutang totanom ang tasik,’ musti pu'un tuh ahkan numbun poretah'mu.’’

Ulun ijo bousaha nyolamat pombolumoh, ahkan nihou pombolumoh. Tahpi ulun ijo nihou pombolumoh ahkan monyolamat orih.

Yesus nuhtui umba murid-murid-Oh, ‘‘Hal-hal ijo kotuluioh ulun nguan dusa musti ahkan anai. Tahpi colahkarih ulun ijo kotuluioh ulun nguan dusa! Labih pios amat buhtup bahtu konarut aang uhcatoh, turus io ngondian nokuh luwang tasik, tahkanumba baiuoh ihcobehti tahkan ulun-ulun ijo koik tuh napa dusa.

Aang ondou Anak Ulun tongorinah noin koada'anoh kolou jaman Noah lomoi. Ulun kuman ngorih tutang kawin; kolouorih hototurus johcok Noah nyolong koluwang bonamaoh tutang danum ba'ah lombut hawui molonyot ulun-ulun rih paring.