Populære bibelvers fra Gyenesis 9

Del

Na Nyankopɔn see dɛ, Iyi nye ahyɛmu a merema ɔada emi nye hom nye abɔdze a nkwa wɔ hɔn mu a wɔka hom ho nyinara ntamu, dze ama ebusuasantsen a ɔmmbɔ adze no ho asɛnkyerɛdze; medze me nyankontɔn abew mununkum mu, na ɔbɛyɛ emi na asaase ntamu ahyɛmu ho asɛnkyerɛdze.

Na nyankontɔn no bɛbew mununkum no mu; na mobɔhwɛ, ama maakaa daa ahyɛmu a ɔda Nyankopɔn nye honam nyinara mu abɔdze a nkwa wɔ mu a ɔwɔ asaase do nyinara ntamu.

Obiara a ɔka nyimpa no bɔgyaa gu no, nyimpa na ɔbɛka no bɔgyaa egu: osiandɛ Nyankopɔn no su do na ɔyɛɛ nyimpa.

Na Nyankopɔn hyiraa Noa nye ne mba, na ɔsee hɔn dɛ, Hom nwo, na hom ndɔr, na wɔnyɛ asaase do ma.

Adze a nkwa wɔ mu nyinara ɔnyɛ edziban mma hom; dɛ mbrɛ medze nhaban nhaban so ama hom no.

Na hom ho suro nye hom ho hu mbra asaase do mbowadoma nyinara nye wimu ntumbowa nyinara do; dza wɔwea daadze nyinara, na po mu nam nyinara, wɔdze ahyɛ hom nsa.

Na hom dze, hom nwo menyamenya na hom ndɔr wɔ asaase do.