Populære bibelvers fra เกาตีนา 22

Del

อับราฮัม ก็ ลด มพึ เคิง นัน เค็ย “เยโฮวา ยีเร” ‍ ซีแล็ม เค็ย “เอาซาง เยโฮวา และ อน ตัก ออ ฮัก” ‍ เจ็นนัน อัห ก็ ลด มพึ ซือ ญวัง นัน ตัก “เอาซาง และ อน ตัก ออ ฮัก” ‍ อัห อัง เตา มานะ เน

เอาซาง ก็ ไล นำ ฮุนเน “อับราฮัม มัห เอิด ควัน มี ล็อง เดียว ตัก อิซอัก ‍ ตี มัห รัก ดก ทีซุด นัน ‍ เริล ตัก เคด โมรียา ดาย ‍ มัห ทวาย นำ อน ตัก เอิญ ตัก ญวัง มี ตี นัน ‍ เอิญ ก็ ไล อน ญวัง ตัก มัห ฮัก” เอาซาง อัง

เทวาดา ก็ ลด ไล นำ คือเน “อำ มัห มเบิล ควัน ออ เตาะ ดาย ‍ เอิญ เม็จจึด ใจ มัห แลว ‍ มัห กิว ทือ เอาซาง ซีเละ ‍ มัห ญอม ทวาย ควัน ออ อน ตัก เอาซาง” เทวาดา อัง

อับราฮัม ก็ ซวัล ควัน ฮุนเน “ควัน แกะ ตี อา ทวาย อน เอาซาง นัน ‍ เอาซาง ก็ และ อน ออ ฮัก ดาย ควัน” นำ อัง เจ็นนัน ปาม ก็ เริล ติกๆ ‍

เอิญ ก็ แอง เลาะๆ เคิบ มัห ‍ เอิญ แอง ระ ควัน งา มัห ดก เล็ห ติกๆ บัดนะ นโดน ‍ นับ ไอ มี แป เตาะ ‍ ควัน งา มัห ต็อง ดก เล็ห มอก ซีเม็ญ ตัก วาง นทึห ‍ ดก มอก ซาย ตัก เปล นอก ทะเล ‍ ควัน งา มัห ต็อง ซะนะ อัง ซะตรู ออ มด ‍ มัห ปัง แญง เอิญ เลาะ ฮุนเน แลว ‍ เอิญ ก็ ระ ครำ กรอก ซอ มด จู กรอก ใน โลก เน กุญ เลาะ ญอน ควัน งา มัห วัล”  ‍ เยโฮวา อัง

ทาเน เอาซาง ก็ โตะ ลอง ใจ อับราฮัม ฮุนเน “อับราฮัม เฮย” นำ อัง ‍ “ซีวะ เออะ” ‍ อับราฮัม อัง

เทวาดา คอง เยโฮวา ก็ งกรอ นำ เจ็น วาง ตัก ทึห ‍ “อับราฮัมๆ” นำ อัง ‍ “ซีวะ เออะ” อับราฮัม อัง ‍

ทาเน เทวาดา คอง เยโฮวา ก็ ลบ วัล จ็อก เคิบ อับราฮัม เจ็น วาง นทึห ฮุนเน วัล ‍ “เยโฮวา ไล มัห ฮุนเน ดาย ‍ เอิญ เป็น เยโฮวา ฮัก ‍ เอิญ ก็ ซันญา เคิบ มัห เลาะๆ ดาย ‍ มัห มี ควัน มี ล็อง เดียว ‍ มัห ก็ ไอ มี คาง ไอ มี จง ระ อน เป็น คอง ออ ‍ แต มัห ญอม ทวาย นำ อน ตัก เอิญ ‍ มัห แอง เลาะ ฮุนเน  ‍

ปาม เริล จำปอ โตะ ตัก ญวัง ตี เอาซาง ไล อน นัน ‍ โตะ ตัก ญวัง นัน แลว ‍ อับราฮัม ก็ แอง ตี ทวาย ซะ เคิง นัน ‍ นำ เอิด โอด มบรูจ ระ ตัก ตี ทวาย ซะ นัน ‍ เจ็นนัน นำ ก็ ท็อก ที ท็อก เจ็ง ควัน ‍ ต็อก ซิห เคิง มบรูจ โอด ลัห ทึห นัน ‍