Populære bibelvers fra MATIU 7

Del

“A fɛli, wa majɔlɔ; a kɔkɔli wa tɔlɔ; a pɛlei laalewe, ta ndawolɔ wu wɛ.

Numui na lekee a fɛli, a majɔlɔ, numui na a kɔkɔli, a tɔlɔ, pɛlei a lawolɔ numui na wɛ a ndalewe.

“Faale na, numu gbi lekee a nya layie jisia mɛni, i ti wie, ngi wiengɔe kia taamɔ nɛmahu lewengɔ yila i yɛ na i ngi wɛlei loni fawa gɔtii hu.

“Faale na gbi bi longɔ nungaa ti pie a bie, tamia ba pie a tie; Mojisi jawei yeembui lɔ kɛɛ kaai na Ngewɔ lutuisia ti kɛni.

Kata lamɛi na gbɛɛngɔe a li a numu kunafɔ lɛɛvui hu tawao pelei na a li na ya kpuya tawao nasia ta yeepelei na lɔ tii gbotoni.

“A wuaa a kata laama gbɛɛngɔi wee, gbamaile katei lamɛi na a li a numu jahama ngawɔlɔngɔe tawao pelei a li na ya gbalauŋ, tawao numu gboto mia ta jia la.

Kia bɛɛ wu nyamungɔ wu bɛɛngɔe a hani yekpengaa vela wu leengeisia wɛ. Wu Kɛkɛ na i Ngelegoohu i leweni poloŋ wu ma a hani yekpengaa vela nasia wɛ ta ngi vɛli!

“Baa nungaa wekeisia lɛɛ, aako Ngewɔ aa bi lɛɛ. Gbamaile kitii na lɔɔ ba tewe nungaa wekeisia ma ta lɔ Ngewɔ a jia la a bie, tawao bi dangaa ti ma Ngewɔ bɛɛ a dalɔ bi ma.

“Kɛɛ numu gbi lekee a nya layie jisia mɛni kɛɛ ɛɛ ti wie, ngi wiengɔe kia taamɔ wuhubangɔ yila i yɛ na, i ngi wɛlei lo ŋanyaŋanyɛi hu.

Gbɛe bi kaawolei na gbema i bi ndewehindoi yama kɛɛ bi gbewe gbi ngulu-gɛkɛɛ na va i bi nda yaamɛi? Ba yee gu bi nde bi ndewei ma bɛɛ, ‘Kɔnɛɛ, gbɛɛ ngi kaawolei na gbua bi yama,’ kɛɛ bɛɛ gu a ngulu-gɛkɛɛ na lɔlaa i bi nda yaamɛi?

“Wu valangɔ i yɛla ndɛɛ Yewɔ lutuisia va; ta walɔ wu gama ti mayeingɔ nyɔlɛɛ makɛ yekpe hu kia mbalangaa ti na, kɛɛ sawo, ti liisia hu, ti yɛni a fula vuhaingaa lɔ. Wa ti gɔɔ ti wiehindei ma lɔ. Ngaali yeyakɔ ɛɛ wua a glepii tawao ngaali wulu ɛɛ wua a figi.

Ngulu yekpei a wua a nguluwa yekpei lɔ, kɛɛ ngulu heegbɛngɔi a wa a ngulu-wa nyamui lɔ.

Ngulii na kpenkpengɔ ɛɛ gu a wua a ngulu-wa nyamu, tawao ngulii na ii gbekpeni ɛɛ gu aa wua a ngulu-wa yekpe.

Ngulu gbi lekee ii wɛilɔ a ngulu-wa yekpe ta pɔlɔ ti pili ngɔmbui hu.