Populære bibelvers fra Efɛ 6

Del

A giala, wɔ bie yɔ boe kɔn ka minbuiinin ni wa. Sɛnɛ, màn pàãdɛnan laanka ǹ goledɛnan mɛnɛn bɛ́ yii ná a ba ǹ ganaa wa, wɔ n yɔ boe kɔn ka bɛn laanka nɔ̀ɔn babaraan nɛ. Ǹsɛn lɛn man lon laanka tán biin ni, ǹ nə́ pàã la wɔlɔ tì kanaa kɛ-n kanna.

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

Bɛ lɛ a lɛa, ka Lawa a ziabaa ǹ mànan tumaa gũ ka gɔn kanna. Màn mɛn bɛ́ toɛ, bɛ̀ lɛawaa baraa kɛ́ dɔ, yǎa kaa zɔ́ɔ kɛ da yoo ka gialaa, ka boo la ka n gòãn doa a ganaa. Ka á re zia biɛ a ganaa miɛ̃ yǎa a woe nyɛɛ, ka á re goɛ̃ ka dinin giã ǹ gɔn taãn la ka bɛ nɛ.

Sanparɛ goleemali ke kəni, ka bɛ baa ziabaa ǹ goóro lɛa, ka Sɛtaan baraa a kiɛ tɛdɛnan kɛn kurəə ne. Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Ka n yɔrɔ bɔ ka n koa kəni: ka sonbore yii ka bɔsɔ̃ maabɛlɛ lɛa, ka peperebaa wɔ ka ganaa ziabaa ǹ dɔnkɛ lɛa. Ka din kɔ sii ganaa baa kɔsɔn lɛa, ka ǹ wɔ ka gòãn ganaa, ka là nyantoro yɛ ǹ Boo Tii Kɔɔ̃n kɛ pɛ nɛ.

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Lawa lɛ kɔ ka màn nɛ a dí-pɛ bibinaa mɛn li, bɛ n ka kɛ nɛ: «N díi laanka n náa guguru kɔ, ń giɛ n tá nyin sasa yii, n yii-nyɛɛ dɔ yɛ tán la.»

Nɛnyaanan lɛn, ka kaa yɛ wolen lɛ si Dɛnaa yɔrɔ-a, a giala, mà bɛ n pepere.