Populære bibelvers fra SGK 39

Del

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Bɛ lɛ na á toa, Potifaara ná a gɔn màn tumaa toa Zozɛfu gɔn, mà a ga ǹ walan, a dinmaa nə́ n goɛ̃ bɔ sii din tumaa nɛ, bɛ̀ á n bɔ a màn-bii sii dinsɔɔ̃ nɛ. Zozɛfu na á goã tɔntɔraa lɛa, siĩn sɔnbɔraanɛ.

Bɛa kòso kion-lɛduə̃li lɛ kòso nɛ gialakunun kɛn tumaa sii toa Zozɛfu gɔn. Kòso nɛn lɛn bɛ́ dí mɛn tumaa nyɛɛ walan, Zozɛfu din nə ǹ kiɛ a ganaa.

Á Zozɛfu kũ á da kòso-n, kii a kòso nɛn kaa ǹ bǎã nɛ. Zozɛfu bɛ́ kòso-n, Dɛnaa goã kun ni. Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Biikoo kɔ́n dɔ, a dɛnaagiĩ a lɔ nə́ n yiin doa la, á pɛ nɛ mà a giã kun ka asɛ nɛ. Sɛnɛ, Zozɛfu nə́ n piã, á pɛ a dɛnaagiĩ a lɔ lɛ-n kɛnɛn: «Ma bɛ́ maa dɛnaagiĩ kɛ li ke, a na á waa ma la, á n goɛ̃ bɔ a kion sii din tumaa nɛ, a na á ma koa a gɔn mànan tumaa mìi la. N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

Ǹ kɔn pinaa, Zozɛfu wɔ kion, mà a na a dí nyɛɛ, bɛ á zɛnɛɛ, bɛ̀ min kɔ́n ba kion wa. Potifaara a lɔ lɛ kũ a dɔnkɛ ganaa, á pɛ nɛ: «Giã kun ka ma-n dɛ!» Zozɛfu ná a dɔnkɛ sɔlɔ á toa a gɔn, á baa si á soo kanaa.