Populære bibelvers fra SGK 49

Del

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Zozɛfu a sii n kɔnboe ka da gùrù mɛn bɛ́ nɛ koe, ka da mɛn bɛ́ mu yala lɛ-a, a gùrù n nɛ koe. A gùrùn nə́ yoo, ǹ nə́ kaa kisilɛ lalan lon. Ǹ nə́ ga a lɛ li, ǹ nə́ zia baa a ganaa, kiɛ-bɔlen nə́ zia baa a ganaa.

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ. N di a Lawa á re n doe n lɛ, Pàãyiidɛnaa Lawa á re barka diɛ n ganaa. Á die a la mu gisĩ n la, a die a tán giulun mu kɔ n la, a die a nɛnyaanan laanka tɔɔn kɔ n la.

Nsɛ Zudaa, n dɔɔ̃nɔn man die loe loe, ǹ nə n tɔ bɔ nɛ. N tá re n zɔ́ɔn nyɛnɛɛ, n nə ǹ kaa ǹ dungiala la. N dinɛn tá re n musin koɛ tán n giulun. Zudaa n kaka ka yàra ten bɛ́ lɔn. Maa nɛgiĩ n boe a siĩ kũ ǹ bǎã nɛ, die a waa ǹ bǎã ganaa. Á n musi yiɛ, á waa tán ka yàra sà bɛ́ lɔn. Kakaarɛ ka yàra nɛ ǹ dan bɛ́ lɔn, die n boe la a pɛ, mà a yoo?

Urubɛn, nsɛ lɛ n maa nɛ bibinaa lɛa. Nsɛ lɛ n maa giĩbaa ǹ nɛ bibinaa lɛa, bɛ̀ pàã bɛ́ ma lon ǹ mɛn waáraa. Barka tá n lon, pàã tá n lon, á la ǹ dɔɔ̃nɔn kɛn wɔ nɛ. Tà mu bɛ́ n lɔlɛkɔn lɔn, n dɔ n sii lɔlɛkɔn miɛ̃. Bɛ lɛ n ke, n ba re nyɛɛnaandɛnaabaa yii wa. A giala, ń ma yii puusə kɔ, ń giã kun ka maa lɔ nɛ, ma din a waa ǹ pìi la.