Populære bibelvers fra Mateus 8

Del

Ĩ na töpö kuu ha, Jesus aiki, ‑Wi na tä kuaö ha, makö kili kule? “Teusö anö makö noama kitä” makö pi kuu mai‑ ĩ na a kuuma. Ĩ na a kuu nö, a hoköa kõa soatalo nö, ipoko ta pata simöa kõoö ha, ipoko tä maa kõa soatakölöma. Kosoto u pata na, ‑Ĩ na pätawöö! Kalipalo mai a kuikiö!‑ ĩ na Jesus anö kosoto u noa thaö ha, kalipalo mai, tuu kua kõa soataköma.

Ĩ na a kuu ha, sotatu töpö simöa sinomoti wi ĩ aiki, ‑Kawa hai, pata wa saiö! Wa totiatalo opawöö! Kamisa totiatalo pasio mai kitäö! Önö kutenö ipa sai a na wa huu mai ha, hisa ha wa kuiki nö, a hapalo päoö! Wa huu mai, wa tä simöa päköma, ipa hĩsa tä toa konaso kitäö!

Ĩ na a pata kuu ha, ‑Kilatiha‑ Jesus a pi kuu nö, Jesus a na töpö nokapaloti pole, ĩ töpö na, ‑“Hi kaikana tä aiki, ‘Jesus a pitili. Teusö anö a simönö noai ĩ a’ ĩ na ĩ a pi kuu kua pole na, ĩ na isöhaeu töpö pewö lö kui, ĩ na ĩ ai tä pi kuu wi, ai tä kua mane” ĩ na sa kuu pitilimo opa kuleö!

Ĩ na Jesus a kuu nö, sotatu töpö simöa sinomo wi, ĩ a na, ‑A kononöö! “Jesus a pitili. A lotete epö” ĩ na wa pi kuu totioma kutenö, “Ĩ tä thama mi salo” wa kuu ha, ĩ sa tä thama kitä. “Jesus a lotete epö salo, ipa hĩsa tä toa komani kitäö!” wa pi kuu pole, ĩ na pitili tä sai a kua totio kitäö!‑ ĩ na Jesus a kuuma. Ĩ na Jesus a kuuma, ĩ tökö soatawö, ĩ hĩsa tä toa komanöma.

Ĩ na tä kuaö ha, Jesus a na töpö nokapalo pole, ĩ töpö aiki, ‑Kilatiha. Ai sanöma töpö kua kua wi na, ĩ na hi a kua pasio mi. Hi witi pili a sai totiwö kuno mai? Ipoko ta patanö a hapalo hinii, maa tuu supa supamo wi ĩ tänö a hapalo hinii, ĩ na tä kua apati nö kiliawö‑ ĩ na töpö kupalo opatima.