Populære bibelvers fra लूका 24

Del

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

ईसू नंडा कोवाया। हाँय दो जियाव रेमयनाय। ईसू गलील छतररेय दोहोन मेला, अपे एचेरे चेले चेले माःआने कतातेरा हनापे उहियार।

हनमेला ईसू हँकिन भगवान एचे सिनहागोतेडकिन। हँकिन ईसूकिन सिनहातेड दो, असाका ईसू छपितयान। हनते हँकिन अँननकिन कता होड़ेंगा, “हाँय दूररे अलंग सुदाय बड़राःआ अरू भगवानराः कागदरे ओजाःतो इदा हना बदीरे अलंगे कता समझावा हनमेला अलंगराः जीव मुरुक बहालते पेरेगयान।”

हाँय कताया, “भगवानराः कागदरे नाःआ इया ओजाःतो इदा, मसी कटसिया सहावकेडखने गुजुःता अरू पेय दिनरेय जियाव रिमुःता। होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

हँकू ञेलतेरा, हना मड़गट लात दुवार कोलोंग रेडतो दोहोना हना दिरि, लात दुवार अते चलाःतो दोहोना। हँकू लात पेंदारे बोलोनेनखनकू ञेलतेरा दो, परबू ईसूराः मुरदा हंडा मेर दोहोगान।