Populære bibelvers fra लूका 8

Del

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

जनुम बुदारे लोजोरनेना हना बिहान नाःआ इया होड़कू हवे। हँकू सरवनकू अयुमेता, मनदो सेनेन सेन दूररे चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर बेलेःता।

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

हनते ईसू हँकू एचेरेय कताया, “अपे चिला लगा ईंग एचेरे मेरपे बिसवासगाड?” हँकू बोरोयान अरूकू बयावयान। हनतेकू कता होड़ेंगा, “ओहरे! नाँय करा इयायीग होड़ हवे? होय अरू लहरा हों नाँयराः हुकुम मनाव जुवाःता।”

दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो बिसवासकेडखन सडाः अते मड़ंग, कलउ वेगवाडखन हँकू जीव अते हना सरवने गोःयाता।

नुँहू मेर ञिलुःतना हना जमाकून, तयोमरे भगवान जमा होड़कू एचेरेय एचे उदुःगोडता। अरू नुँहू होड़कू मेरकू सुसुदीतना हना जमाकून भगवान एचे सुदीगोडकूताय।

हाँयग अइमी सुदीगोतेडे, ईंग ओरोयिंग ओको अवेनेना, माःआन। दो हाँय बोतोरतेय कलपाःआ अरू ईसू मड़ंगरे तबेरवाडखने कताया, “ईंग बारह बरिस वरी नहावनरेयिंग दोहोना। दो ईंग नुँहू आमराः सोनहे असरायिंग टोँवावतेरा। हननमेला ईंग नपाययना।” दो ईसू हाँयग अइमी एचेरेय कतातेरा, “दिदी, आम ईंग एचेरेम बिसवासतेरा, हनालगा आम नपाययनाम। सलसतेम सलाव जुवाः।”

हँकू ईसूकू बेरेडतेरा अरूकू कताया, “ने परबू, ने परबू अबू गुजुःतनाबू।” दो ईसू रेमकियानखन होय अरू लहरा रोंकाव लगाय कतातेड अरू हना गड़रा घटा रोंकावयान अरू होय ओहेन मधिमयान।