Populære bibelvers fra मरकूस 16

Del

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

बिसवासगेता, हँकुःआ होड़कू नाःआ जमाकूनकू चिनहा इयाकू एचे अवेता। हँकू ईंग ञावते भूतकूकू एचे उडुंगगोडता अरू हँकू एटाः एटाः नँवा नँवा भासीकू बड़राता। बींगकूकू रेमगोडता अरू तोनोंगाः महुराकू ञूगोड हों हँकू ओरोकू गोएगनेना। हँकू हसूतेकू दोहोन, हँकुःआ होड़कू बोःरे तिःईकू खेपा दो हँकुःआ होड़कू नपाय जुवाःताकू।”

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

दो हाँय कतावातेडकू, “अहापे बयाःआ। कुरूसरेकू ठोंकाव ञेडतिरिया हाँयग नसरतरीग ईसूपे ञामतना जा? हाँय नंडा कोवाया। हाँय जियाव रेमयनाय। हाँय दोहोना हना मनेनपे ञेल।

हनते हँकू हंडा सेनेडखनकू ञेलतेरा दो मुरुक मरंग दोहोना हना दिरि चलाः एंडात दोहोना। मड़गट लात पेंदारेकू बोलोनेन दो हंडा मी होड़ डिंघा उजड़ सोनहे तुसिंगतो खउना गतर दुड़ुःतोकू ञेलतिरिया अरू मुरुककू बयावयान।