Populære bibelvers fra मरकूस 6

Del

मुरुक बगरा होड़कू सेन वेगा दो ईसू अरू आँयगरिकुःआ मूक चेलाकूके जोजोम लगा हों मेरकू ओवाया। हनालगा ईसू हँकू एचेरेय कतातेड, “दोबू अबू रिंग-रोंग ततेररे गुनमिनबू लोड़ोनता।”

दो ईसू हँकू एचेरेय कताया, “भगवानराः बड़रा कता होड़कू अँकूराः देसरिकुःआ होड़कू अरू आँयग ओड़ाःरिकुःआ होड़कू एकला मेरकू मान मरजइतगेयता।”

हँकू डोंगा अते उतरावनेनखन मुरुक बगरा होड़कू जुमावतोय ञेलतेडकुःआ। अरू हँकू बेगर सरवाहातेकू दोहोनता हँकुःआ भेड़ाकू इयाकू दोहोना। हनालगा ईसू हँकूय सोगावातेडकुःआ अरू हाँय हँकू मुरुके चेडकुःआ।

हाँय तोनोंग तोनोंग होड़कू चोटरे तिःई खेपाकेडखन हँकूय नपायतेरा। नाःआ अते हाँय तोनोंगाः बयाव जुवाः इयाःआ बुता मेरेय एचे अवेगाड। हँकुःआ होड़कू ईसू एचेरे मेरकू बिसवासगाड, हनालगा हाँय बयावयाने। हनते हाँय एटाः एटाः गाँव सेनेवाडखन होड़कूय चेड उदुःआ।

हनते ईसू पाँचटोंग रुटी अरू बारटोंग हकूकिन आँयग तिःईरेय साबतेड अरू सेरमो संगीलवाडखन भगवाने जागतेरा अरू हाँय रुटी डुंडीग घड़ीन चेलाकू एचेरे हटिंगगे लगाय एमेवातेडकुःआ। अरू हनन इया बारटोंग हकूकिन हों जमाकूकू हटिंगगे लगाय एमेतेरा। हनते जमा होड़कू जोम बीयानकू। अरू हँकुःआ मूक चेलाकू डुंडीगतो रुटी अरू हकूकू बारहटोंग दउड़ारेकू रेम ठुड़ीतेरा।