Populære bibelvers fra Ruuka 22

Del

“Taata, nyoore oreenda unduusirye-ho ekikombe kya enyanko kinu. Nawe, otakora kya ego oni ndeenda, okore kya ego uuwe oreenda.”

Nawe nkusabhiiri ku Waryubha, naho eimani yaaho etasuuha. Na hanú orinhindira, wimye abharikyaho.”

Akamara akagega omukaate, akamukumya Waryubha, akagusuunura, akabhahaana abhatumwa bhaaye, akabhakeerya ega, [“Gunu ngo omubhiri gwani gunú gwakaruusibhwe kurusumo rwenyu. Mukorenga ego, kwa okunhiituka oni!”

Egoego, hanú bhaamara okurya ebhyakurya, akagega ekikombe kya edivai, akagamba ega, “Ekikombe kinu kireemiririra eriragano erihya rinú rirakoreka okuhitira amanyinga gaani. Amanyinga ganu gakeetike kurusumo rwenyu.]

Wonse akagendererya okusabha Waryubha, kwa okubha yaaringa na obhururu obhwaru. Ebhigeri bhyaye bhikabha bhiratoonya hansi kya amatoonyekera ga amanyinga.]

Nawe bheenyu, mutige okubha ego. Gati yeenyu omukuru okukira abhandi, ngʼo abhe omuke kubhonsego. Na kya ego aratunga, abhe muna ngʼo omukori wa emirimu.

Yeesu akakyukya ega, “Uuwe Simoni Petero! Ndakukeerya ega, reero eribhaga ensarigoko ekyari okuragura, wakabhe unyangiri mara kasatu ega, otammanyiri.”