Populære bibelvers fra Colosiaid 2

Dych chi wedi derbyn y Meseia Iesu fel eich Arglwydd, felly daliwch ati i fyw yn ufudd iddo – Cadwch eich gwreiddiau’n ddwfn ynddo, eich bywyd wedi’i adeiladu arno, eich hyder ynddo yn gadarn fel y cawsoch eich dysgu, a’ch bywydau yn gorlifo o ddiolch.

Peidiwch gadael i unrhyw un eich rhwymo chi gyda rhyw syniadau sy’n ddim byd ond nonsens gwag – syniadau sy’n dilyn traddodiadau dynol a’r dylanwadau drwg sy’n rheoli’r byd yma, yn lle dibynnu ar y Meseia.

Pobl baganaidd o’r cenhedloedd oeddech chi, yn farw’n ysbrydol o achos eich pechodau, ond gwnaeth Duw chi’n fyw gyda’r Meseia. Mae wedi maddau ein holl bechodau ni, ac wedi canslo’r ddogfen oedd yn dweud faint oedden ni mewn dyled. Cymerodd e’i hun y ddogfen honno a’i hoelio ar y groes.

Achos yn y Meseia mae dwyfoldeb yn gyfan gwbl yn byw mewn person dynol. A dych chi hefyd yn gyflawn am eich bod yn perthyn i’r Meseia, sy’n ben ar bob grym ac awdurdod!

Felly peidiwch gadael i unrhyw un eich beirniadu chi am beidio cadw mân-reolau am beth sy’n iawn i’w fwyta a’i yfed, neu am ddathlu gwyliau crefyddol, gŵyl y lleuad newydd neu’r Saboth. Doedd rheolau felly yn ddim byd ond cysgodion gwan o beth oedd i ddod – dim ond yn y Meseia y dewch chi o hyd i’r peth go iawn.