Populære bibelvers fra Diarhebion 13

Mae cwmni pobl ddoeth yn eich gwneud chi’n ddoeth, ond mae cadw cwmni ffyliaid yn gofyn am drwbwl.

Mae’r person sy’n ffrwyno’i dafod yn diogelu ei hun, ond yr un sy’n methu cau ei geg yn dinistrio’i hun.

Mae’r sawl sy’n atal y wialen yn casáu ei blentyn; mae’r un sy’n ei garu yn ei ddisgyblu o’r dechrau cyntaf.

Mae gobaith sy’n cael ei ohirio yn torri’r galon, ond mae dymuniad sy’n dod yn wir fel coeden sy’n rhoi bywyd.

Mae cyfiawnder yn amddiffyn y rhai sy’n byw yn iawn, ond mae’r pechadur yn cael ei faglu gan ei ddrygioni.

Mae cyfoeth gafodd ei ennill heb ymdrech yn diflannu’n hawdd, ond bydd cyfoeth sydd wedi’i gasglu o dipyn i beth yn cynyddu.

Dydy balchder yn gwneud dim ond creu trafferthion; mae pobl ddoeth yn derbyn cyngor.

Mae person da yn gadael etifeddiaeth i’w wyrion a’i wyresau, ond mae cyfoeth pechaduriaid yn mynd i’r rhai sy’n byw’n gyfiawn.

Mae plentyn doeth yn gwrando pan mae ei dad yn ei gywiro, ond dydy plant sy’n meddwl eu bod nhw’n gwybod yn well ddim yn gwrando ar gerydd.

Tlodi a chywilydd fydd i’r un sy’n gwrthod cael ei gywiro; ond bydd y sawl sy’n gwrando ar gerydd yn cael ei ganmol.